中秋快乐！

港體壇精英人月兩團圓

今日是中秋佳節，對不少香港體壇精英來說都別具意義，尤其是即將嫁作人妻的「壁球小旋風」趙詠賢，以及武術世界冠軍「夫妻檔」賀敬德及羅雅菁就喜與親人共聚，人月兩圓。

賀敬德及羅雅菁今年特別帶囡囡回鄉與父母過節，羅雅菁說：「回憶？真係無乜特別，我哋自小就離鄉別井練武，節日都係同教練、隊友度過，但依家反而會同囡囡一齊學吓點樣歡度節日。」

星期六就會成為「馮師奶」的趙詠賢，形容今年中秋好似為婚禮作預演：「好多好耐無見嘅親戚都返嚟香港，啱啱有個大節日，所以就約埋食飯，哈、哈！名副其實大團圓，亦可以當係（婚禮）warm up啦！」

中秋節是「黑妹」葉姵延最愛節日，事關自稱「為食」的她可以盡情吃至愛「雙黃白蓮蓉」：「雖然我响中秋節已經喺日本打比賽，但都會帶埋月餅同『摺摺』燈籠（即風琴式紙燈籠）過去應吓節。」