8-7-2011 蘋果日報

果

黃榕等在旺角街頭走來走去拍 MV，吸引不少龍友和街坊圍觀。

http://hk.apple.nextmedia.com/template/apple/artmain.php?issid=20110708&secid=462&subsecid=830&art_id=15411886

淫照風暴前與陳冠希（ Edison）暗交多年，兼且應男方要求隨傳隨到的黃榕，如今被 Edison否認曾與她發展、甚至不相識，黃榕火起指 Edison冷酷無情、「狼」心如鐵，黃榕更自爆是張栢芝 fans，覺得 Edison成為鋒芝婚變嘅導火線，她感慨地說：「好可惜，破壞咗人哋嘅家庭幸福。」

黃榕早前為紀念米高積遜 6月 26日逝世兩周年，與香港饒舌歌手 Dirty. R合作拍攝 MV《 Dear MJ》，黃榕負責演繹副歌，她特別以性感造型走到旺角行人專用區拍攝，而 MV則放在網上免費分享。除了唱歌，黃榕今個月中還會推出寫真集，問到她心情如何，黃榕說：「緊張，今次好多對手，又多國內美女，但對自己有信心。」

有指黃榕與本屆港姐 3許亦妮多年前一齊仔，黃榕否認說：「係細個已經識佢，但冇話去仔，因為佢都係做模特兒，當年佢 15、 16歲，大家有約出去食嘢、睇戲，至於夜店只係去生日會。」

最近黃榕前緋聞男友陳冠希亦拍攝新 MV，計劃再搶攻樂壇，講到 Edison早前否認與她暗交 5年，黃榕無名火起說：「都唔係咁想提佢個名，既然人哋都講到話唔識你，我覺得都唔好咁低賤話識佢、再講同埋一齊啲嘢，既然人哋咁冷酷無情話唔識我，我諗我都當唔識呢個人，狼心如鐵。」

「對佢有恐懼症」

黃榕講明同 Edison冇朋友做，亦不覺得可惜，黃榕說：「可以睇清楚個人，我有好多對我好好嘅朋友，我會珍惜愛我嘅人。」提到 Edison的新 MV，黃榕直言：「唔想睇！見到佢個名同見到佢個樣都有恐懼症，盡量唔好見到佢囉！唔想留意佢新聞！」黃榕自認為張栢芝 fans，對於 Edison成為張栢芝與謝霆鋒婚姻破裂的導火線，黃榕話：「好可惜，破壞咗人哋嘅家庭幸福。」