大叫Daft Punk!

http://www.youtube.com/daftpunkalive

星期日的下午，心思思想出街，心思思有件事。真係好想好想買DAFT PUNK隻ALIVE，我實在好需要呢重勁度刺激，HEA野暫時都放埋一邊。真係心想事成，跑去特區幾乎有晒我最近想要既新唱片，百碟堆中，唔使十五分鐘就俾我搵到，（野！）其實每次知道自己會買碟，都唔多想帶MP3機去街，想一買即聽，但奈何叉唔到電，用唔到，除此之外朋友最近還返隻KARMA俾我，更令我想停用MP3一排，因為呢張碟係紅外線，電腦都過唔到歌，防盗功能到可謂到零七年都仲未遇到佢之外。DAFT PUNK正如之前提過，佢既LIVE就如同MUSE一樣，碟未必係最好聽，但LIVE一定係最好氣氛，同CHEMICAL BROTHERS睇齊！果然買到返屋企，即刻麵都唔煮，聽左歌先！ALIVE 2007 係收錄自DAFT PUNK 2007 年係黎巴舉行既一場LIVE，全碟氣氛澎湃，聽得出既情緒高漲，熱情超過100度溫度，我肯定現場係可以UN到腳痺住咁行路！如果再俾我轉過07年LIST，呢張一定跳高幾級樓梯，如果你自問自己係鍾意電野，釘屎(DANCE)野，兼CHEMICAL BROTHERS粉絲，咁你真唔好錯過呢張碟！