[新報] 訪問《詠春小龍》

My latest full page news on my action film on Hong Kong Daily News:http://www.hkdailynews.com.hk/enews.php?id=203243[ 新報]女版李小龍陳鈺芸鍾意甄子丹挾「選美天后」名銜的陳鈺芸（JuJu），去年轉戰樂壇，更是一位能作能唱的創作歌手，JuJu三歲時隨家人移民美國，2009年曾參加全美華埠小姐選舉奪得冠軍。別看JuJu弱質纖纖，其實她自小在唐人街長大，在她長大的期間，唐人街興起李小龍熱。JuJu亦耳濡目染，視對方為偶像，更學習洪拳、蔡李佛等武術，還立志要當女版李小龍。當日天氣寒冷，但JuJu應記者要求脫去大褸耍雙節棍，記者見她練得一身結實肌肉，問到她為何喜歡習武？JuJu表示：「我鍾意一啲有個性嘅嘢，唔鍾意同其他女仔做一樣嘅嘢。加上打功夫對運氣好有幫助。細個時睇李小龍電影覺得佢耍雙節棍好有型，所以自己鍾意玩，加上我學嘢好快上手，唔使一個月已耍得好好。不過亦試過失手打中自己，其實呢個係必經階段。」

 水晶雙節棍值千元 訪問期間，JuJu亦興致大發，即場耍起雙節棍，見她手上的雙節棍較一般的特別，揮舞期間散發出陣陣光芒，細問之下，原來JuJu手上的雙節棍是自製，並且獨一無二，JuJu：「我買一條條水晶鏈黐上雙節棍，再喺外面包張透明膠保護，咁睇落雙節棍閃閃亮好靚，總數花咗一千元。」盼製作功夫歌曲 最近JuJu更拜師學詠春，在電影《詠春小龍》中飾演年輕李小龍的師姐，JuJu：「電影講李小龍習武拜師，而我係唯一打詠春嘅女仔，套戲仲有元華演出，不過我同佢冇對手戲。希望將來主力拍動作片。」JuJu更表示正寫一首關於功夫的歌曲，希望像周杰倫的《雙節棍》一樣受歡迎。 鍾情文武雙全子丹問到JuJu喜歡甚麼類型男士？一面靦腆的JuJu表示：「我鍾意宇宙最強嘅甄子丹，佢不單止打得，仲文武雙全，對老婆好好，係個好老公。所以我揀男朋友要高大同有結實肌肉，咁先有安全感。」雯雯報道