[Hong Kong 3 Magazine Interview - 3週刊 第 856 期] Chok爆男女: 功夫音樂人 陳鈺芸 JuJu Chan, the Kung Fu Musician Actress

Article link: http://www.3weekly.com/common_emag/view_content.php?issue_no=856&pub_id=7&top_id=41&art_id=216953 自小坐唔定的陳鈺芸（JuJu），練得一身好武功兼十八般武藝唱歌、跳舞樣樣精。近年有幸參演超級大製作《臥虎藏龍2：青冥寶劍》，與銀河系最強鐵三角甄子丹、楊紫瓊及導演袁和平（八爺）合作，可想而知陳鈺芸有幾打得。而陳鈺芸除了好打之外，仲好唱得兼好跳得，樣樣精的陳鈺芸，仲有一世紀大計，就係唱歌跳舞加功夫的「功夫歌舞劇」，其利害之處簡直能單挑周星馳的唱歌加少林功夫！ 陳鈺芸十歲開始已經練習柔道，不過單單一項柔道豈能綁得住活力充沛的陳鈺芸，「後來再玩空手道、跆拳道、泰拳。」陳鈺芸如數家珍，隨後還有詠春、洪拳，「我仲自己練雙截棍添。」 陳鈺芸玩雙截棍玩得十分耍家，於2011年以歌手身分出道時，曾在頒獎典禮上邊玩雙截棍邊唱歌，簡直技驚四座。 「我鍾意做一人冇做過，雖然有人話騎呢，但我覺得幾特別。」陳鈺芸已暫別樂壇，近年均主力於電影界發展，「早前拍過荷里活電影、內地製作，今次拍《臥虎藏龍2》，係第一套香港上電影。」 雖然陳鈺芸好打得，不過亦不限於只拍動作片，「我好鍾意拍武打片，但唔係套套片都需要打女，其實我唔打時，都可以好溫柔。」 的而且確，陳鈺芸真的可以好溫柔，因為運動了得之外，陳鈺芸識唱歌、作曲、彈鋼琴，認真文武雙全，「我仲寫了一個歌舞劇劇本，內容係以功夫同歌舞二合為一，不過仲未搵到老闆投資。」唱歌加功夫再轉為少林加足球，紅到驚天地、泣鬼神，相信陳鈺芸的「功夫歌舞劇」亦能接力延續功夫熱。

臥虎藏龍2 #陳鈺芸 #jujuchan #湘西無影鏢 #cthd2 #actiongirl #打女

Dress by Loey @loey_official