《 軍 雞 》(Shamo)

**互聯網上一直有不少追看開日本漫畫既網民期待欣賞電影版 ...

但可能因等得太耐 (由開拍到現在已一年) 期待既聲音和熱情都漸漸減退了 ...

網上既人咁講：

「我好鍾意《軍雞》漫畫，知道拍電影真係好開心，但點解咁耐冇消息，有冇人知幾時上？等到冇晒 mood！」

「人地《男兒本色》開拍前做勢 / 開拍 / 中期做勢 / 拍完 / 宣傳 / 引到人入場 ... 睇完雖然唔記得，但係都叫合晒格兼收得啦！半年內搞掂晒，咁先會想去睇囉！《軍雞》冇晒影都唔知想點！火都來埋！」

「多多錢拍部戲，就好心花多dd錢做好d宣傳啦，香港地套戲好睇到曉飛，宣傳唔得都係死得！」

「上次《狗咬狗》宣傳策略差就累死左部好戲，今次《軍雞》係咪又想咁？」... ... ...

當然網上面既說話唔可以盡聽，但反映出來既意見，有時總能了解一些人既思維 ... ...

年青人冇耐性，對電影既要求係娛樂性，宣傳吸引到佢地，佢地就會入場 ...

娛樂新聞既保鮮期只得3-5天，如果一齣電影既消息無影無蹤半年，年青人絕對會遺忘，轉化出來既多為憎惡 ...

即係就算開頭好鍾意，等下等下都等到"炆"，等到憎左果樣野，到頭來上畫都鬥氣唔去支持 ... ...

但有時，好多野真係連電影公司都控制唔到既，希望鍾意《軍雞》既人，都會支持電影版啦！

有一個好消息，有傳《軍雞》可能安排在11月中下旬上映，不過還未正式證實 ...**

睇住少少劇照先！