... 騙你入局... The Disappearance of Alice Creed

一名肉參   兩段迷情   三條人命   顛覆綁架模式

限時48小時   誰是最後操控者?   

愛麗絲蒸發奇案   11月4日  騙你入局

《愛麗絲蒸發奇案》(The Disappearance of Alice Creed)顛覆一切你所想像到既劇情，引領觀眾進入故事中既實況，每每有驚喜，段段有變化，非一般電影模式。當然 ... 上述描寫係要配合觀賞者既個人素質及修養！  如果唔係一陣去到話唔好睇就唔好啦！ ... 講明唔係無記 ... 唔係荷里活 ... ...  『戲 』... 係要用心去欣賞架嘛！  這齣好睇！

http://www.youtube.com/watch?v=vbeJl3dt0AwMartin Compston, (Producer) Adrian Sturges, Gemma Arterton, (Director) J Blakeson and Eddie MarsanGemma Arterton 飾 Alice ：Gemma Arterton 生於 英國 肯特郡。 畢業於 倫敦皇家藝術學院，在學期間已參與BBC電視電影。電影方面 Gemma Arterton 0係 Prince of Persia: The Sands of Time 既 絕豔強悍公主 形象最深深印0係觀眾心中。其實早0係佢首齣作品，2007《St’Trinians》當中演傻大姐角色已叫人眼前一亮，更令佢榮獲 Empire Award 最佳新人獎提名，之後續集《St’Trinians: The Legend of the Fritton’s Gold》，Gemma 既表現繼續大獲好評。 08年，Gemma 從1,500人中脫穎而出，首度擔演A級大製作《新占士邦之量子殺機》（Quantum of Solace）飾演 新世代邦女郎，事業從此平步青雲。

今次 Gemma 0係 The Disappearance of Alice Creed 既表現繼續保持優異水準，這戲更見其 演技根基 及 可塑性 之高和強，前途無可限量！Eddie Marsan 飾 Vic ：Eddie Marsan 生於倫敦，92年開始加入演藝圈，參與演出電視劇及後踩入電影圈，演出多齣荷里活大片包括： 名導演 Martin Scorsese 既《Gangs of New York》、《Sherlock Holmes》、《21 Grams》、《Mission: Impossible III》、《Hancock》&《快樂小小姐》(Happy go lucky) 等 ... 當中 Eddie 憑《Vera Drake》贏得 英國獨立電影大獎 最佳男配角，及憑《快樂小小姐》贏得 4項 最佳男配角。我會用 "英國廖啟智" 來形容 Eddie Marsan。 除樣貌真係有D似之外，演技堅好，可以演任何劇種，演活任何角色。Martin Compston 飾 Danny ：Martin Compston 居於 蘇格蘭，17歲時 與 英國大導 Ken Loach 相遇 拍攝《Sweet Sixteen》出道，第一次嘗試電影演出的他，便得到國際影壇高度讚賞，一鳴驚人，贏得蘇格蘭BAFTA影帝、英國獨立電影大獎最佳新人及倫敦影評人協會年度最佳新人獎，英國獨立報稱其為「全身充滿自然迷人魅力的明日之星」。之後 Martin 曾拍攝多齣電影，再一次展示其實力，06年聯同《Iron Man》Robert Downey Jr 及 《Transformers》Shia LaBeouf 合演電影《聖路》(A Guide to Recognizing Your Saints)，再一次於 西班牙希洪國際電影節摘下影帝殊榮。今次 Martin 繼續發揮其自然派演技，效果依然理想！