2010 世盃特集 ... day 5 ...

2010 世盃特集 ... day 5 ...

F組

新西蘭 vs 斯洛伐克  15/6  19:30

預測： 新西蘭 0 ： 1 斯洛伐克

新西蘭 同澳洲一樣著重體力化及速度, 但就重比澳洲低一班, 所以都真係唔洗有期望, 守和到對手都經已萬幸。

斯洛伐克 同樣係三線球隊, 還好陣中有 效力 德甲 波琴 既 前鋒 Stanislav SESTAK 施斯達克, 起碼有得攻下！

G組

科特迪瓦 VS 葡萄牙  15/6  22:00

預測： 科特迪瓦 1 : 1 葡萄牙

死亡G組 科特迪瓦 要出線的話, 都真係 ... ... 我比較睇好 魔鬼隊 北韓！

一對 英超 車路士 箭頭 Didier DROGBA 杜奧巴 搭 Salomon KALOU 沙洛文卡勞, 中場 耶耶托尼 羅馬歷 索高拿, 後防 高路托尼 伊保爾 ... ... 希望可以為非洲足球爭口氣啦！

葡萄牙 隊波感覺好似巴西, 但就冇巴西咁「神級」, 焦點當然係 擔任 隊長 既 Cristiano RONALDO 基斯坦奴朗拿度, 絕大部份球評都讚到佢「神級」, 集 腳法、力量、速度、身型一身, 但我但人睇法就認為, 佢太個人化, 但個人化得來又唔夠能力, 始終認為佢係差咁D野！

當然, 葡萄牙 人腳都好齊全, 要出線都真係熱門, 但都係果句,  ... ... 我比較睇好 魔鬼隊 北韓！

G組

巴西 VS 北韓  16/6  02:30

預測： 巴西 1 : 1 北韓  ( 死未！ 冷門到！ )

神魔大戰！

「神級」巴西 對戰 魔鬼隊 北韓, 一定有一番精彩表演！

究竟係 巴西 神技收服魔鬼, 教曉魔鬼咩叫世界盃；定係 魔鬼隊 北韓 用焦土戰術 追住腳踢, 踢廢班 巴西球星?

如果 魔鬼隊 北韓 好正直咁 公平競賽, 用佢地既血與汗, 0係全世界目光下 奮戰死守 守和 巴西, 咁個世界又會唔會更美好?

哈哈哈！ 對於我哩種咁憤世既人來講, 都係果句 ... ... 我睇好 魔鬼隊 北韓 小組次名出線！

巴西隊 期實都唔洗多介紹啦！ 不過由 鄧加 帶領既巴西, 再唔係 森巴足球 既 巴西, 而係更實際 更直接 更穩定 既新巴西。

焦點當然係計薛高之後既 新一代 巴西靈魂 KAKA 卡卡,「神級」進攻中場, 策動全隊的每一步。  配搭上 實際型前鋒 路爾斯法比安奴 及 花巧型翼鋒 羅賓奴, 一條主守型中場, 隱守型後衛, 令 卡卡 重要性更超然！

講到 魔鬼隊 北韓, 一定要大叫三聲：鄭大世 CHONG Tese 鄭大世！

因為 傳奇球隊 一定要有 傳奇球員, 而在日本愛知縣土生土長, 但就由細到大被明明係南韓人既父母送入0係日本既朝鮮學校讀書, 從小就視朝鮮為祖國, 當球員也要代表朝鮮(北韓隊)出戰！ (南韓同日本都好鬼想要佢架！)

而其他北韓球員, 都好 魔鬼隊！ 個個黑黑實實鋼條型, 目光一致, 唔笑, 個個都想殺人咁既樣！

希望佢地唔會好似中國隊之前世界盃對巴西咁肉酸, 唔係講比數, 係講 一完場就追住巴西球員交換球衣！