関西空港交通都算方便，火車方面有特快同快速列車開至大阪難波，兩者之間時間相差大約十分鍾，分別係¥920、¥1430。巴士都係一個好選擇，而且目的地多，方便去不同地方嘅朋友，近至難波遠至京都、神戶和四国都有，係T1外面就有巴士站同售票處。記得十一月底跟朋友到関西空港旅行，原定11pm左右到達，點之碰正delay成12:10先land，都覺得應該趕唔到尾班巴士出大阪，就因為大家都冇寄倉行李，而且座得比較前，我哋決定狗沖12:15離開機倉，跑去海關之後我哋趕到12:30開出嘅巴士，一去到大阪開心到in都唔check就去鳥貴族食宵夜！

買平機票好多時都買到比較差嘅時間，#hkexpress 有一班早上6:30関西返香港嘅機，基本上佢係関西空港全日第一班機，有人覺得時間差到極，但係其實如果你唔係太早訓覺係可以玩到最後一秒，我會係早上check out 後放行李係酒店，點解唔用coin locker? 因為locker 只能用到晚上十二點，日間活動如常，晚上搵個錢湯沖個涼，之後12am去同朋友係居酒屋食多個宵夜，吹下水2am先返酒店攞行李，座的士去大阪梅田巴士站，3am先開門買飛，3:30巴士4:30到関西空港時間fit到爆，總好過早一晚去機場座，関西T1夜晚只有Lawson、牛丼同Lounge 開門營業，都幾悶。溫馨提示：因為親眼見過，巴士係第二個站已經上爆客，有人係第二個站上唔到巴士，早上3點幾，火車又未開，下班車又趕唔切，成個鐘的士都幾金，所以大家最好係第一個站上車。

完～ #dirtypanda #kix #bus #osaka