外景。

大家真係要讚讚我，甘鬼累都照打個blog，哈。今日第一日拍外景，累累累。朝早八點幾起身衝衝衝到十點先返到黎屋企。開外景工大吉。有人話“你多左雀班播”，其實無“多左”，係大家無留意jeh，不過有咩問題呢，講到好似好可惜甘，大家眼光真狹窄。我又無乜所謂播，遺傳啊嘛，菇母都係甘，哈哈，好多鬼妹仔d雀班好靚呢。全日響將軍澳拍，見到奇景。留意係有內衣褲混在其中。入屋叫人，開工拜神。未黎過。我戲中屋企。我戲中阿媽 : >拿呢張明顯係睇到瘦晒喇，塊面縮左十分一。拍劇進入第二個禮拜，其實都真係幾開心，雖然真係無晒自己時間做其他野，但係撇除呢樣野，整體感覺很良好。劇本唔錯幾好笑，角色鬼馬有得發揮，拍檔們又超晒班，VELY骨！！！！p.s. 啊重有重有，拍劇真係入屋到好似坐埋落佢地沙發甘，今日我地拍外景，個個師奶啊姐見到我阿媽同埋阿mister K就圍晒上去，我直頭隱左形，哈哈哈哈。唔得，我都要入屋，電視界，我黎喇！！！！！！！！！！！！！！