Avatar
Official Artist
Helen To
Screenwriter , MC / Show Host , Author
681,380 views| 1,275  Posts

Photos

Latest Updates

多謝大家祝我生日快樂!!!

終於有相睇嘞!!!好多謝各位街坊喺上個星期六咁比面出嚟同小弟慶祝生日!!!能夠攞到咁大叠大家比我嘅面,實在係賺幾多錢都買唔到啦!小弟直頭係無言感激啦!!!不過大家嗰晚出奇地斯文同慢熱...結果我無啦啦做咗一個鐘酒廊歌手(黑妹李麗霞! hahaha...)切完蛋糕各位街坊先warm up起嚟...我就直情已經high晒啦...有咁多禮物收喎!!! 唔講咁多嘞....各位睇相啦!!!

「歌舞伎町街坊福利會」大合照!!!

好大個蛋糕! 好靚嘅花! 好老嘅壽星女! Yeah~

許願:...Read more

about 11 years ago 0 likes  16 comments  0 shares

一年前的今日!

好耐無update過個blog嘞!原因1).我懶!我認! 原因2).呢輪有好多字要寫...要寫2本書(趕書展出)...要寫2個weekly專欄 (新Monday同MILK)....真係...真係...有好多好多字要寫呀!!!

一年前嘅今日,正式開始寫我嘅第一本書,壓力好大,一直驚趕唔切喺書展推出,又明知自己患有嚴重心散症,於是我將自己反鎖咗喺屋企2個月,斷晒六親咁寫...但最後發覺喺嗰2個月裏面,我雖然無出街,但日日睇電視講電話玩facebook....結果,真正專心寫書嘅時間,其實只係用咗3個禮拜!

一年後嘅今日,我又開始寫書嘞...「風行東京2」...經過舊年嘅教訓,今年我無咁笨啦!街照出、衫照買、歌照唱...輕輕鬆鬆鄧梓豐!因為我有上年嘅經驗,我計到條數,我一定趕得切、寫得完!總之書展嗰日我會拿住我本「風行東京2」企喺度比你地影相同簽名啦!

記得上年好似又係5月9号大家同我搞生日會,今年咁啱又係5月9号搞!心情就同上年一樣準備好晒嘞(玩!我隨時隨地都準備好啦!)但就仲未揀到着邊套衫出席,因為我呢期的確買咗好多衫! (多謝徐濠縈嘅好"帶歇"!)

明年今日,我希望我可以喺卡拉OK度唱「明年今日」....因為....Read more

about 11 years ago 0 likes  4 comments  0 shares

我的生日又到了!!

光陰似箭,日月如そ...轉眼又一年啦!!仲有一個月又到小弟嘅生日嘞!又係時候攪一個「悼念杜如風又老一歲追悼會」(生日會)!!其實只不過係搵個藉口同大家出嚟一齊聯歡吓、玩吓嘅gathering嚟啫!若然你想係咁易同小弟吹吓水呀、係咁易同我影吓相呀、係咁易同我慶祝吓生日呀、又或者你無聊到想現場親身聽我唱隻"CALL WAITING"過你聽的話,就盡快報名啦!!! 杜如風生日Party gathering:日期: 09 May (星期六)時間: 7 pm – 11:30 pm (請於7.00p.m.後入場)地點: 黃埔Yo Park (紅磡黄埔新天地聚寶坊第十一期地庫B46-B48號舖)入場費用: 成人每位 HK$ 160小童每位 HK$130 (3-11歲) (費用已包括組場費, 當晚自助餐及不含酒精飲品)名額: 70人 (因場地有限請大家盡快報名...4/30截止)報名: pingpink2007@yahoo.com.hkPS: 因難以統計人數, 故不設退款及walk-in我保證當日一定會唱我首"CALL WAINTING"...Read more

about 11 years ago 0 likes  4 comments  0 shares

歡迎光臨LIGERstore!!!

好姊妹徐濠縈近日被我改咗一個花名叫「事業縈(型)」,皆因佢最近同我嘅另一位好友Dorophy合資向商界發展,開咗一間極具巴黎氣氛嘅 fashion select shop 叫 LIGERstore! 我一推門入去間鋪,「嘩,真係好似去咗巴黎咁喎!」裝修佈置都好classy,好有taste!嘩,賣嗰D衫,仲有taste仲掂呀!!

忍唔住要喺度幫佢地宣傅一下,原因1).姊妹情深,上力山落油獲都一定要撑!! 原因2).嗰度D衫真係得!兩個事頭婆嘅fashion sense都咁勁,佢地揀返嚟嘅貨又點會唔得吖! (我自己嗰日上去影完相之後,自己都買咗萬幾鈫嘢!唉,財散人安樂!)

Read more

over 11 years ago 0 likes  6 comments  0 shares

MY FIRST SONG!!!

當大家以為我最近忙於埋首撰寫「風行東京2」,又或者忙於扮麥當勞叔叔嘅時候...其實我呢排喺度....努力創作音樂!!!!! 我作嘅第一首歌... 多多指教!!! hahahahahaa.....

漏咗一個好重要嘅人要多謝!就係我作呢首「Call Waiting」嘅靈感來源BOBO姨嘞!! BOBO姨係我每日嘅「煲電話粥伴侶」,佢亦非常習慣有call waiting嘅時候,掛住同另一邊吹水而忘記咗我喺度等緊佢,次次都要等佢好耐,搞到我成段call waiting嘅電話錄音都背到出嚟,仲搞到我無端端哼咗一堆旋律出嚟配入呢段電話錄音度唱埋出嚟添!!其實我係完全唔識演奏任何樂器!所以仲要特別多謝Audiotraffic嘅Don,將我哼出嚟嘅呢堆melody變成咗一首「歌」!!佢仲專登作咗(同彈咗)一段「疑似Joey Tang」嘅Guitar solo!向Joey Tang致敬!兩位都---勁!!做乜嘢無啦啦學人作歌搞音樂?!純悴因為靈感到囉!!同埋純悴無聊為咗玩!!絕對唔係為咗想加入樂壇!做人都係為咗開心為咗玩啫...加入樂壇好辛苦,我都係喺屋企煲吓電話粥等吓call waiting好過....! heeheehee...PS:條片係用「1 shot落」嘅手法拍...Read more

over 11 years ago 0 likes  13 comments  0 shares

麥當勞叔叔!!!

My name is Ronald, Ronald McDonald!

尋晚係好友潼潼DJ MISS YELLOW嘅生日Party, MISS YELLOW生日, dress code梗係yellow黃色啦!要搵黃色衫太過無難度...結果比我諗到扮麥當勞叔叔!!!因為我覺得好多人小朋友嘅時候都曾經或好恨喺麥當勞開生日會,好似係一件好開心同好值得回憶嘅事咁....於是....我就帶咗麥當勞叔叔落蘭桂坊嘞.....!

HAPPY BIRTHDAY TUNG TUNG~~~!!!  麥當勞叔叔祝你生...Read more

over 11 years ago 0 likes  18 comments  0 shares

我的快樂比天高!!

之前喺新Monday我個專欄內寫咗一篇自己幾滿意嘅文章,但可惜我知道唔係人人都有買新Monday嚟睇嘅,所以今日就特登post返呢篇文章同大家分享一下!

Read more

over 11 years ago 0 likes  16 comments  0 shares

東京放假之旅!!

緊接之前嘅「東京開工之旅」,大家期待之久嘅下集---「東京放假之旅」正式登陸!!繼第一日一條友茫茫然企咗喺涉谷街頭唔知做乜好(差D想自己開工拍嘢!)之後,我決定「的」起心肝---- 我今次係嚟放假架架架架架~~~~~~!!!

於是第2朝決定早D起身,帶好友阿Grace同Eric去下北沢食我極力推介嘅Waffle!三個好朋友一齊閒逛吓下北沢嘅小街,舒舒服服、寫寫意意, 去旅行嘅感覺終於都返嚟啦!!!! 實在太好啦!!!!

去片啦~~~~~

Waffle店門外,遊客記念相!! (你睇我地2個幾遊客!! GOOD!!)

Read more

over 11 years ago 0 likes  3 comments  0 shares

歌舞伎町的「船頭尺」!!

(以下報導,除了個露天Cafe茶座係真嘅之外,其餘嘅報導均實屬虛構!!!敬請留意!)

話說杜如風拍完第2輯流行東京之後,對住觀眾講:「我唔知道仲會唔會有下一輯,因為我已經喺新宿搵到工啦!」「就係做歌舞伎町街坊福利會會長嘞!」當時一眾觀眾都只以為杜如風只係喺度扮瞓街、扮乞兒、扮攪笑....哼!點知......佢真係做出嚟比你地睇!!行動勝於一齊言語.....佢真係做咗d我地點都估唔到嘅事嚟到去固定佢街坊福利會會長嘅地位!!!

杜如風化身「船頭尺」,決心要將KOMA劇場對出嗰塊平時只有乞兒喺度流連嘅大平台大翻身!要抬起我的頭來,為街坊市民做一點事!!

睇來呢個「歌舞伎町船頭尺」都算做得唔錯,大家有眼睇架啦!同「秋天的童話」中阿船頭尺喺Long Island嗰邊起嗰間 "SAMPAN"都真係幾拍得往喎!! Good Job Good Job!!!得閒行開咪過嚟我呢度坐底飲杯茶,吹吓水囉!! "Table for 2??" heeheehee...

Read more

over 11 years ago 0 likes  3 comments  0 shares

東京開工之旅!!

我杜如風返嚟啦!!!!!其實我返咗嚟香港差唔多成個禮拜架啦,不過病足咁耐,所以一路無update過個blog同大家打聲招呼,唔好意思!其實我都好耐未試過去完日本開工返嚟之後抖咗咁耐都回唔到氣!全因比啲天氣搞到我暈底!!首先頭幾日喺東京就熱到飛起,有成20度,點知緊接嗰幾日要去雪地開工做翻譯就突然遇上大風雪,得返零下5度!一熱一凍,已經作病,但要做嘢,焗住頂硬上!一返到嚟香港諗住抖返夠本,點知香港又突然又熱又濕!一乾一濕,仲病多幾錢重!!總之呢2個禮拜我就不停比啲天氣玩到謝晒!!無晒能量!!不過大家放心,到我今天終於提得起勁寫blog,已經好快返8899啦!!

好啦,近况交待完,講返日本工作之旅!今趟又係純悴帶隊做翻譯,唔洗化妝唔洗度稿,邊玩邊做,快錢是也!不過長期喺大風雪底下拍攝,查實都幾痛苦!!

大隊揸車駛往大風雪拍攝場地,我嘅主要責任係---人肉導航!! (不過我係一個非常失職嘅導航,成日兜錯路! hahhaa...)大家都知我拍咗咁耐「流行東京」都係無車坐架啦,其實我同呢個GPRS真係唔friend架!!! sorry sorry....敬請原諒!!

Read more

over 11 years ago 0 likes  9 comments  0 shares

About

Learn More

Languages Spoken
english, cantonese, mandarin, japanese
Location (City, Country)
Hong Kong
Gender
female
Member Since
December 1, 2008

Helen To on Social Media