My cat's new toy!!!

我隻貓無啦啦失平衡成隻跌咗落我個頭度...抓損曬我塊面!!我覺得自己好似天水圍嗰啲被虐妻嘅可憐婦嬬....投訴無門!!!!!                                                                                                                                                 ....不過阿師父睇你呢招由高處跌落嘅「鐮衣擒拿手」耍得有咁上乘嘅功力,出抓亦抓得非常準確!(淨係抓面!!) 師父, 唔單無嬲...仲有嘢獎過你添!!!! ;

macbook pro 嚟架!! 你快D教識媽咪點解學Final Cut Pro 啦!

...Read more

我唔係「0靚模」...我係「老模」!!!

呢期好耐無update過個blog,主要原因唔係我懶....係我太勤力!!!太勤力去做新一輯旅遊節目「風行全世界」嘅後期工作!話晒都叫做第一次自己做節目監制,為咗希望個新節目可以進步過「流行東京」,(我永遠都只會同自己鬥!)我地成隊crew比咗好多好多心機、心血、精神、壓力同時間去並肩作戰,每日只少「困獸鬥」坐埋6個鐘,一齊剪片,希望可以做到最好!!(在此真係要衷心多謝及感激呢幾位軍師!!)....所以...我捱到殘晒瘦晒嘞!!唔緊要,最緊要個節目好睇就得嘞!

Anyways,呢輪真係勁忙,平時喺呢D咁寒冷嘅天氣底下,我一定會「呢」喺張床度冬眠,直至春天回暖先醒!哈!!杜如風呢個不孝女真係轉性啦!我老豆媽咪終於有救啦!!喺最凍嘅日子我竟然日日開工,日抖影相,夜晚就剪片....好似D的士大佬咁,打幾份工嚟養家咁款!勁呀! (係喎,其實我可以揸埋的士添喎!又可以慳返D的士錢,仲有得呃水吹添!有得諗喎!! hahahaha...)

講返影相嘞,最近無啦啦幫Adidas影咗一輯colllection相,成件事都係幾無啦啦地發生嘅...還人情債啩?!其實我自己都一頭霧水....

跟住就無啦啦變咗個「老模」,擺咗一大堆我從來未學過、亦...Read more

給爸爸的情書...

老爸 :

恭喜你...正式榮休了!!! 每天營營役役忙了一輩子,現在突然要你急停下來,有點不知所措、有點空虛感吧?!不要失落呀,應該好好慶祝一番,是時候輪到你盡情享受人生了!!

從女兒出世前的二十個年頭,為了求生、為了娶媽媽為妻,你已經非常努力地工作;當女兒來到這個快樂世界後,為了讓愛女、讓家庭得到最好的,你更加勤奮地日夜顛倒地為五斗米而折腰,務求令這粒掌上明珠每天維持着「快樂比天高」的狀態。「給我的愛怎會看不到..雖說演你角色實在有難度...」老爸,你對我一直以來默默的無施奉獻、包容、支持及寵壞 ,女兒是完完全全收到的!「唯獨你肯承受我的狂或野!」雖然我還未感到內疚,但我確實地每分每秒都在感恩!!是你的一雙手,讓我變成全宇宙最幸福最快樂的孩子;是你的一雙手,讓媽媽幸福到下一世也要嫁給你。女兒一直也不願嫁,全因為在地球上,我找不到一個比你更好的男人!(最好嗰個,已經被媽咪一早「立」咗嘞!)

老爸,辛苦了你大半生了! 你的任務完成了!光榮地功成身退了!是時侯輪到女兒還債給你,好嗎?!

知道在你心中,我永遠只得三歲, 狂妄任性、享樂成精....知你永久地擔心及過份保護這個三歲的小女孩...但事實上,這名三歲的愛女已經長大不少了!做...Read more

Happy Halloween 09 之 「神愛世人」!!!

一年一度嘅Halloween Party大盛事,如果我乜都唔扮,我會覺得對唔住自己之餘,更加對唔住我一班對我expection 好高嘅兄弟姐妹!!!

於是我喺2個星期前已經做足準備功夫嘞!!我係Unbeatable呢架嘛!!!!當各位女士認為可以藉着Halloween呢個機會盡量穿得少、盡量 show quali 嘅時候,小弟杜如風又點會「隨波俗流」吖!!(原因1.我根本就無quali show!) (原因2.都係嗰句啦:「咁容易被你估到,就唔叫我杜如風啦!! hahhaa...)

好,大家聽我吹水吹咗咁耐.......直接去片啦!!!!!!!!!

由於Halloween街上太多妖怪,所以我決定今次扮耶穌!主要嘅責任就係充當security,等佢地喺個凡間唔好亂搞事!負責重大架!我諗無乜人敢膽喺Jesus面前搞事掛!!!<...Read more

我的限量版 Travel Diary!

最近被本港時裝品牌 TiCKET by azona 看中我這個遊行家「無腳嘅鳥仔」的特性,有幸被邀請在全線新店內攪了一個「杜如風旅遊相展 Snap Shot Photo Exhibition」,迎合她們以TRAVEL為主題的全新概念! 仲同我crossover出咗本限量版嘅Travel Diary! 係為咗放便大家去旅行時要mark底好多notes (你知你地架啦!去旅行做定嗰堆功課仲勤力過考試!)所以呢本由TiCKET by azona 同小弟crossover 嘅Travel Diary,就應該對你地呢班成日身痕要去旅行嘅街坊們用嘞!

Diary裏面仲有小弟親筆寫嘅旅行Tips同埋小弟用自己部傻瓜機親自影嘅snap shot! Quality就同 Edwin影嗰d無得比架嘞!但係azona嗰邊提議用生活化d 嘅旅遊snap比較切合個主題, 所以佢地叫我都係用我自己揸機隨手影嗰d 相囉! 失禮哂!失禮哂!!

TiCKET by azona X Helen To - A Sharing Diary of Travel Experiences 將於10月29日起於銅鑼灣azona a02獨家發售, 先到先得, 售完即止。

售價...Read more

ROCK STARS PARTY!!!

今個星期六出嚟陪我玩啦!!!

今個星期六(10月17日) Esprit尖沙咀旗艦店開張Grand Opening!! 而Esprit好唔好彩地請咗我呢個儍婆杜如風去做佢地呢個Grand Opening嘅主持!!!我睇過份rundown,到時會同大家,包括呢度嘅各位親愛街坊,一齊玩幾個好好玩,仲有獎品攞嘅遊戲添!!!

想見吓我、想同我一齊玩遊戲、或者你根本完全唔識我,淨係想嚟攞獎品、淨係想嚟趁吓熱鬧,或者你淨係想嚟Esprit買衫嘅話(今季d衫都幾靚架!)就記住今個星期六(10月17日)下午1點至6點半,去到Esprit尖沙咀旗艦店逛吓啦!!!

地址:尖沙咀阿士里道口 x 北京道 (舊裕華)

時間: 10月17日 下午1:00 至 6:30

同我玩完之後,仲有得免費睇AT17、林一峰、尹子維同恭碩良and his band嘅演唱添!!!

真係有咁大隻「甲乸」隨街跳喎呢次!!!

大家準時過嚟同我杜如風呢個傻婆玩返餐啦!!!等你呀!不見不散!!!!! hahahaa.....

轉會!!!!!|轉會!!!!!|转会!!!!!

現在正式宣佈: 暫時再冇「流行東京3」睇嘞!! 因為我已經被NOW TV 100台高價收購,好似球星轉會一樣...我正式轉咗會啦!!!

而NOW嘅總監仲對我超好(雖然TVB都對我不薄!),但佢知我去拍東京去到有啲悶同無乜新鮮感,所以佢比我任揀我自己想去嘅地方去拍全新一輯嘅旅遊節目!!嘩!成個地球任我揀...旬盤到呢!!! DREAM WORK啦!!! (請大家唔好太妒忌我,同埋出街撞到我盡量忍住手唔好打我...)

登登登登.....第一站...巴黎!!!

巴黎鐵塔反轉再反轉?!?!?!!!

Read more

讓我飛出去~~~~

我終於可以暫時離開東京(等雙方都抖一抖氣先!)....我飛咗去巴黎啦!!!

係咪拍新節目??係!!!不過有排都未有得睇,因為而家先開始拍....又要大家耐心地等多一陣嘞! Sorry Sorry.... 比住幾張相你地睇吊吓隱頂住先啦!! heeheehee...

I AM LOVING PARIS~~~~~ Paris, Je t'aime!!!

Read more

泰國之夜!!! sawadee~kaa~~

最近又有2個好朋友生日,一齊搞生日會,由於呢兩個friends都分別好鐘意去泰國旅行....所以今次生日party嘅主題 (dress code)就係.....泰國嘞!!! 壽星女仲特登book咗一間好有泰國feel嘅Bar,喺石澳沙灘上面嘅,仲成間Bar塊地都鋪滿晒沙添!嗰度幾得意架,真係好似去咗泰國咁架!!

至於Dress code方面,大家都好比面着到好似去咗泰國旅行一樣!而我呢個CostumeQueen,就梗係依慣例出盡全力啦!!!唔好再話自己贏唔贏嗰D衰嘢啦...再講...就真係無朋友架啦! haha...你地自己睇啦!!! Sawadee~~kaaaaaaa~~~~

後面位信徒好誠心咁還緊神!

(Oh..係呀,我係扮四面彿裏面幫人還神嗰D泰國跳舞女人呀!!)

Read more