我返嚟啦!!!

我知大家都好掛住我啦,我終於都返咗嚟啦!!!「秘撈」完畢,又賺一畢! haha... 呢輪簡直飛到「胃仙U」一樣!!無辦法嘞,要開始學識同錢做朋友,點都要踏出第一步嘞!

好嘞,轉一轉Topic先,話說好多街坊都喺之前Eason X 張震嶽 X 楊乃文個show度見到我,既然係咁,不如我就將當日呢個show嘅內情公開比大家知嘞!

1) 開show前,阿臣喺後台好認真地做定熱身,準備出場賣力演唱之際.....

2) 我就喺後台好無聊地用洗甲水抹指甲油.....hahaha...(等開show,通常都要等好耐!)

3) 嚟睇呢個show,其實都係為咗佢!!張震嶽!!!我偶像嚟!! (大家千祈唔好以為我花心呀!張震嶽係我偶像,全因為我非常欣賞佢嘅歌同才華!而朝偉係我嘅愛人!一生一世!!好大分別!!!) 當然我都好欣賞阿臣啦,但係佢係我「屋企人」,又屬於唔同嘅catagory嘅!

4) 演唱會完滿結束!!非常好睇好聽同好high!一個字---正!!! 有去睇嘅人都應該明我嘅意思同感受嘞!!! Right?!

5) 等咗成晚,其實都係等呢一刻! (慶功宴---我一早落咗order比阿臣叫佢無論如何都要扯我過去同張震嶽影張合照!!) 阿臣終於完成任務! (但係好明顯佢喺度恥笑緊我!) 大家睇吓我笑得幾甜!! heeheee...

6) 影完合照之後...就開心都心花怒放咁嘅樣嘞!!! hahhahaa......張震嶽好嘢!!!

報告完畢!又到咗賣廣告嘅時間嘞.......

今晚10點鐘,你地同我坐定定喺電視機前面...「即刻跟我嚟流行東京!!!」

PS: For海外嘅街坊: 有位好心人已經將新一輯「流行東京」upload咗上youtube嘞!!

                           http://jp.youtube.com/user/ToMoDaChiSky

     ----- 另外仲有一位好有愛心同好幫得手嘅街坊,將新一輯「流行東京」用極速一集一集咁upload咗上facebook嘅「流行東京」個group度,大家可以隨時join入我地呢個group度就可以用極速睇到啦!!!