歌舞伎町街坊福祉會!!!

上兩個星期返咗東京一轉,出師大名係為我本新書影片同做資料搜集,但係其實另有目的!!就係歌舞伎町60週年搞慶祝活動嘞!!哈哈,自稱街坊福祉會會長嘅我,又點可以唔賞面出席呢?!! (其實我都係路過影張相留意咋!) 當日嘅慶祝活動都係不外乎唱吓歌、飲吓酒、抽吓獎嗰D啦...... heeheehee.....

仲有咁啱赤壁上畫......點解香港無咁大張poster呢周瑜大都督??!!!

呢張叫「一箭雙鵰」!!! hahahahaha...........

呢張叫「漁人得利」!!!咁啱喺赤壁張poster隔離有個木村嘅廣告喎!!三大型男又再次無端端走咗埋一齊!!咁我仲唔係漁人得利??!!! heeheeheee.....

好嘞,報告近況~ 無錯!我又飛嘞!我都話我係「胃仙U」嚟啦!!!我又要飛返娘家幾日,秘撈做翻譯賺返D水腳還card數呀!!我都話我要同錢做朋友啦!! heeheehee....而且唔洗化妝整頭開工嘅工作實在太爽啦!盡接吖唔該!!

所以我呢幾日都唔會抬埋部腦過日本嘞,又再次話定比你地聽先!唔係又報警話我失蹤就唔好啦!浪費警力呀嘛!!好快返嚟啦!下個禮拜見啦!!又或者喺歌舞伎町見啦!!!

PS:不過個blog我過到去會照check嘅!你地留言啦!! Take care la everybody!!!