對我來講，今日先係世界盃節目嘅完結，恭喜晒法國，為世界盃畫上完美句號。

好多人問我邊個諗到咁樣着 覺得好有新意 喺呢度我要特別多謝，我嘅一班Viu TV同事 聚會嘅時候幫我手一齊諗橋

係Viu TV一班朋友， @scarlett328 @dixonwrong @thorlok @ilovemyoq @colintszfung and lester 就係你成功佢哋會戥你開心 你做節目佢哋會睇完比意見你 係真心嗰隻！最開心就係識到你地

另外我特別要多謝Viu TV 俾咗今次嘅機會我 係一個全香港人都會留意嘅重要環節入邊 將嗰四十幾秒俾咗我，一個對足球唔熟悉嘅藝人 所以當大家好享受上半場嘅同時， 我係好努力咁留意每一場有乜嘢值得講默默咁寫稿，純粹想中場大家可以輕鬆下 我冇嘢叻，你俾得我做，我會盡我200分嘅努力 盡我能力做俾你睇，做得唔好嘅還請大家見諒

仲有服裝部嘅同事，每一場波 佢哋都幫我親手做我撐嗰隊波嘅泳衣 其實係每一套都做得好靚， (因為全民造星嘅男仔快閃嗰套衫，喺網上好多人話) 但你唔會估到係出自同一個人嘅手筆 所以我喺度特別要幫佢平反

至於咁多場入邊，我撐嗰隊能夠贏到 真係純粹靠個人運氣? 希望我嘅運氣都傳到去你哋度啦！

希望今次嘅高收視，除咗係一個新嘅里程碑 係希望有更加多人，認識有99台 如果以前你哋唔知度有我哋呢個台， 今日你知道，仍然未算遲 希望之後我哋唔會令你失望！ . . .

haileyc

多謝大家

真心多謝

世界盃

完咗真係有種落寞感

白恤衫因你變耀眼