我真係好燥！無錯，早send片通常都係經驗尚淺、或者對自己充滿信心嘅參賽者，但佢地都係一班唔係last minute fighter提早交片嘅乖孩子！

參賽片裡面會有唔少beatboxer比較新手、技術未夠成熟，但係佢地咁勇敢肯拍片參賽！仲要打到2分鐘咁耐！我真心非常欣賞！更何況呢位參賽者仲要係女仔！？作為一個新手有呢個心去挑戰一個比賽、為自己去爭取機會我已經超佩服！好過果班覺得自己太廢、唔想獻醜而唔敢參賽嘅人多多聲！但點解會有咁多人踩呢啲新手？點解人地咁勇敢咁努力得唔到掌聲都算，你地仲要打擊佢！？係咪要搞到以後無人敢參加比賽先滿意？香港人自己打沉香港地！BULL SHIT！

我希望呢班人會得到佢地應得嘅「Respect」！佢地比任何其他參賽者更值得尊重同掌聲！我可以因為搞呢個比賽而引到更多香港嘅beatboxer出嚟我覺得非常非常開心！希望各位可以多多鼓勵佢地！WE ARE FAMILY！RESPECT PLEASE！