奇幻逆緣之追憶

上個禮拜一去首映睇「奇幻逆緣」 ( The Curious Case of Benjamin Button)﹐愛上了!!!入場前並無抱任何期望﹐只係單純抱住去睇戲嘅心態而進戲院﹔離場時卻覺得好驚喜﹐急不及待想再翻睇又翻睇!中意係因為套戲好有 message﹐好多對白聽完我好有感覺﹐又好有感觸!雖則話套戲都頗長﹐但係拍攝手法我覺得幾 impressive﹐特別係其中幾幕 (想知邊幾幕就自己去戲院睇啦!)套戲做完嗰一刻個心跳得好犀利﹐因為實在太中意﹐差 D仲忍唔住想企起身拍掌添!咁啱得咁橋﹐禮拜三上勁歌要唱一首林振強先生的歌﹐揀咗阿Lam林子祥嘅「追憶」﹐而隻歌嘅message好徹合套戲﹐都有帶出人生當中會出現不同嘅過客﹐無奈地每個過客嘅足印只能留喺 心裡。要演繹喱隻歌話易唔易﹐話難唔難。易就係音域各方面都唔算難唱﹐不過要真係拿出感情唱到個意境一 D都唔易!對於人生經驗尚淺嘅我就更難﹐唯有嘗試將自己代入戲裡面去唱啦!

重溫足本勁歌金曲﹕http://mytv.tvb.com/undefined/jsg/10757