彭紀諺「升空的潛水鐘」音樂會

大家係咪想知我近排忙緊咩﹐搞到又再次寫少咗blog呢﹖其實我係忙緊籌備即將舉行嘅新碟發佈音樂會呀!無錯﹐我隻mini album就嚟面世喇﹐心情好緊張﹐好期待﹐簡直好似個準媽媽正在待產中 ... [咦﹐我又點會知一個準媽媽嘅心情呢?!]今次喱個音樂會嘅名稱係彭紀諺「升空的潛水鐘」音樂會﹐會喺11月 22號晚上 8點正﹐假通利演藝中心舉行(Mega Box 12/F)門票可以去各大 CD Warehouse門市買到﹐不設劃位﹐先到先得!喱個音樂會請咗好多音樂人幫手﹐將會以全live band為大家演出。又請咗我兩位好朋友嚟幫我伴奏﹐一位係非常之犀飛利嘅鋼琴家﹐彈琴彈到手指曉飛嘅林軍勇先生﹐另一位係年青型男小提琴家﹐亦即係之前K Swiss廣告合作過嘅姚立宏先生。仲請咗兩位歌手朋友嚟同我合唱﹐有超實力唱作人徐偉賢﹐另一位我就要賣個關子喇﹐不過可透露嘅就係﹐喱為女歌手已經好耐無於幕前演出架喇﹐今次請到佢為我「復出」我真係好感激佢同好期待呀!講咗咁多﹐係咪覺得好吸引﹐係咪好期待﹐係咪忍唔住要即刻去買飛呢?仲等咩呀 !快 D啦快 D啦!座位有限架!多謝大家支持﹐希望到時會見到你哋為我打氣﹐同我一齊見證同分享出碟嘅成果同喜悅啦!