當日因為選舉主任「認為」有問題，所以唔俾人參選，你唔理，因為你顧住玩Pokemon Go。

梁天琦俾人打，你唔理，因為又唔係打你。

學校唔俾人講「港獨」呢兩個字你冇所謂，因為你唔係教書，又唔駛番學。更加冇諗住講呢兩個字。

今日，周永勤俾人攪到棄選，你話男人老狗喊乜春秋？

某日，當你行街會毛啦啦俾人打，講錯句說話就俾人炒，仲拉去坐監。好啦，諗住靠投票去改變時，點解所有候選人都係奶共仲講普通話嘅？

你先發現一切已經太遲。