呢個，係一個近日發生嘅，一個好嚴肅嘅故事。

近日有個公司舊同事，就del左我facebook，而且令我用emoji有陰影。

我同佢超級唔熟，但都知平時佢都係Ｄ好靜好正常嘅囡囡，當初打算混熟下，點知佢就離左職，轉行做保險。

是咁的，早幾日佢失驚無神加我入一個萬人group（百幾人左右），話好悶，想揾人吹水，我無出聲，打算mute左個group做cd-rom 睇下娘娘點收兵。見個group全部都係仔，就知我唔應該出聲。

吖，又真係有人同佢傾，佢keep住話好悶，Ｄ兵同厹就係咁耍寶。我忍唔住直接Ｄ，講左句：

買部ps4打下機咪唔悶囉

就係呢個時候，小弟呢句可能吸引到娘娘嘅注意。娘娘係我面書一個負能量post，留左一個字：傻

我9秒9即刻回左佢emoji入面一個反白眼

可能就係呢個反白眼emoji，得罪左人，人地9秒9就del左我。睇返個group，原來係sell緊自己個online shop，佢重話：有女朋友想買衫就揾佢喎

Hi auntie，哪有囡，你老母。真係好唔据，又俾人暗箭中傷，又俾人無故del facebook，到底我邊句得罪人呢

我依家每次一要用個反白眼emoji，就諗緊，用完會唔會又俾人del？ 用完會唔會得罪人？用完又會唔會俾人hi我auntie？每次一拉個emoji鍵盤出嚟，我就好大壓力，好似有隻天使同魔鬼係我隔離，天使叫我唔好反白眼，魔鬼叫我瘋狂反白眼，我好亂，我唔識揀，我睇唔透。

各位巴絲，大家有無試過反白眼得罪人，到底我應該點

shit我發現曲線要講明