舊年一個死者嘅故事，令我最深刻。

佢係一個mk妹，自殺之前，係facebook揚言自己要自殺。佢好傻好天真，儲左一筆錢，以為自己可以用嗰筆錢去外國讀書。當然，引嚟好多mk仔囡去留言安慰佢，但最尾佢都係輕生。違言係，希望將佢儲返嚟嘅錢，捐俾有需要嘅人。

嗰筆錢，曾經係佢嘅希望，曾經佢自殺前都寄望facebook有人申手去救佢。

可惜。

死者死左之後，無人去為佢嘅死去揾出原因。mk妹嘅外表，令世人覺得佢係學壞先諗埋一二面。但我唔相信，一個天真爛漫嘅少女，會絕望到步向死亡。背後嘅原因，我無能力去追查，同時亦都無人去追查，因為好快一星期後，又發生下一宗學生自殺案件了。