星期一：

我樓下開咗間新嘅燒味茶記，主打就梗係燒味啦！呢個四寶飯真係食出水準來！最緊要有我最鍾意食嘅雞腳筋！廿零蚊無得彈！

星期二：

我超鍾意食漢堡包！呢個fresh bugger肉汁多到跆，塊扒軟林林，又大件又好食！正！

星期三：

今日同3 Dimension嘅Dominy同埋Chaumet去旺角嘅VELO Studio整新髮型！後面靚仔哥哥就係髮型師Max，佢哋兩個都非常滿意新髮型，你哋又點睇呢？

星期四：

今日同Chaumet去咗泰國人海南雞飯食海南雞，佢叫咗一個假椰青飲，咩叫假椰青呢？就係呢支椰青樂，佢唔止有椰青汁，重有埋堅嘅椰青肉嗰吓抵死！啲味重同真嘅無分別添！

星期五：

今日3 Dimension嘅Dominy同埋Chaumet去西九龍中心囓Dragon Music Alive出show捧場嘅老友記得上Zhow TV睇呀！

http://www.youtube.com/view_play_list?p=7B72EE2DA76B3758

星期六：

去咗新朋友羅迪龍嘅生日會Live，重幫佢拍埋片添，佢同埋一班亞洲星光大道唱足成晚live，想聽記住入去《集體回憶》聽呀！

http://www.youtube.com/watch?v=CJt7Xq5bCHY

星期日：

最後一場夾公仔達人2010總決賽終於圓滿結束！上屆總冠軍菜鳥大熱倒灶四強都唔入！今次冠軍就係第一次參加嘅Ray喺決賽大勝銅鑼灣主場王AW！成為新一代夾神！今次除咗照舊有我Zoho同Dominy做MC之外，嘉實陣容真係夠晒鼎盛，有A Day、林熹瞳同埋粉嶺2人組李明憲加羅迪龍！想睇等陣先，下星期有片睇架喇！

之後去咗洪杰Alex生日Party嘅side disk男聲音樂會，快啲上《集體回憶》睇返當晚盛況啦！

http://www.youtube.com/watch?v=VCbP7Bhvsio

星期一：

睇咗一套好感人嘅3D動畫，呢套就係反斗奇兵第3集喇…點解睇到眼濕濕，就係因為感同身受話說form 2嗰陣有日放學，我呀媽粒聲唔出咁將我借咗咗好多年嗰兩箱公仔書揼晒，再追加送晒我由細到大玩開嗰一大箱超合金俾咗我幾歲大嘅表弟，嗰種心情，今日睇toy story 3返翻晒返唻！真係喊得一句句…

http://www.zohodiy.com/tv.php?vid=510

星期二：

又睇戲?無錯，今日去咗睇潛行空間首映！一套唔可以用文字形容嘅戲，天馬行空得唻又唔亂，居然講發夢都可以講咁多嘢，重唔快啲去睇？

http://www.zohodiy.com/tv.php?vid=532

星期三：

今日去咗金田長壽司食佢哋搞個「金田長最強創意壽司試食會」真係唔見過都唔知世上有啲可以咁食嘅日本嘢食！除咗有佢哋招幛刺身big 4之外，重有8吋長「海膽」壽司，超長蟶子湯，一句講晒，全部加大碼兼新派煮法，有興趣嘅老友可以上去我節目睇架！

《味のZhow》金田長最強創意壽司試食會

http://www.youtube.com/view_play_list?p=5D2B1FE1463BD2BD

星期四：

今個月第2次西九龍中心 cosplay show又唻！入去睇佢哋搞乜啦！

之後就去咗我乖女Dominy 20歲生日party！大個女，俾心機做嘢呀！

http://www.youtube.com/view_play_list?p=C66D09CBD0E70670

星期五：

今晚同呀Yo去咗一間好多行內人都會去食嘅「新記豬頸肉芝士撈麵」，呢間嘢真係首創用義士代替湯汁醬汁，鐘意食芝士嘅老友不妨去食返餐喇！

星期六：

一到暑假就忙到傻咯，一早去咗粉嶺玩夾公仔達人2010第一場初賽之後，就返去西九做可嵐 live @ 西九龍中心Dragon Music Alive！夾公仔片就未有得睇住，可嵐唱歌就有得睇！

http://www.youtube.com/view_play_list?p=F638022205DA5A6A

星期日：

繼續頻頻撲撲，中午去咗旺角朗豪坊夾公仔達人2010，黃昏就隨返西九3 Dimension唱歌，入去睇啦！

《Live Zhow 》 @ 西九龍中心 Dragon Music Alive 2010-07
http://www.youtube.com/view_play_list?p=9583EF598D455D29

星期一：

去咗renee李蘊生日會，由細睇到佢大！年年都去佢生日會，又大一歲，生性喇！

星期二：

今日呀Yo正日生日，送咗份大禮俾佢，就係幫佢挀咗個廣告，拍足一day，夠晒充實啦！

《星之Zhow》Yo 伍毅永亨銀行信用卡廣告拍攝日誌

http://www.youtube.com/watch?v=dVHcWW1rZB8

星期三：

訪問咗啱啱推出咗寫真集同埋又同司徒法正師父做拍擋嘅「詭異空間」嘅林熹瞳陳曉華Rachel，講佢拍嘢嘅趣事，想知嘅就click入去Zhow TV睇啦！

《集體回憶》林熹瞳訪問@西九龍中心「集體回憶涼茶舖」

http://www.youtube.com/view_play_list?p=F4F5DE10F9E740EB

星期四：

我好鍾意試新嘢，呢兩日又見到兩支新出品，諗都唔諗就買返唻飲吓！一支係檸檬粒粒，另一支係old skool波子汽水！波子汽水都ok好味，但我就覺得檸檬嗰支就唔太檸檬味囉，要貫多支飲清楚先得！

星期五：

今個月last日西九龍中心 Dragon Music Alive 又唻，壓軸嘅又係呀YO伍返，記得click入去睇呀！

http://www.youtube.com/view_play_list?p=9583EF598D455D29

星期六、日：

一連兩日夾公仔達人2010銅鑼灣同黃埔初賽，今年參賽者成續好過舊年，重有一日初賽，就知邊十位朋友入8月15號嘅決賽喇！

星期一~二：

第12屆香港動漫電玩節又唻，一連5日我就拍足4日！除咗我倨叻女Chaumet攞cosplay獎之外，老友Gloria黃榕就攞咗ACG Girl亞軍，除此之外，重有好多show！慢慢click入去《ACG Zhow》睇啦！

《ACG Zhow》12th 香港動漫電玩節2010

http://www.youtube.com/view_play_list?p=243FF62EE9DF1EFA

星期三：

唻到八月Dragon Music Alive & Cosplay Show @ 西九龍中心商場7樓又有show睇，記低佢唻捧場喇！

星期四：

呢輪成日黃雨紅雨黑雨，難得影到閃電一剎，衰就衰在set唔切光圈，變咗一大躂光而見唔到一條條嘅閃電！

星期五：

今個月唯一一場西九龍中心 cosplay show！睇啦！

http://www.youtube.com/view_play_list?p=67F368817155BFAE

星期六：

LAST一場夾公仔達人2010樂富初賽，十位勁人出晒線，年紀最細只有14歲，而上年四強之中有兩位居然入唔到final，證明今年高手賽在高咗好多！記住下星期日8月15下晝1-3點去銅鑼灣世貿中心6樓wonder park睇高手過招啦！

星期日：

今個星期西九龍中心《集體回憶》訪問星光班長Aki李明憲，不來佢同日本韓國都好有淵源架，想知？就記得click入去自己聽喇！

http://www.youtube.com/view_play_list?p=C31DA177E1345EDB

星期一：

成個月嘅世界杯打完！我俾人號稱2000W神燈！捧邊隊死邊隊…意大利、美國、日本、德國、荷蘭…隊隊死得轟轟烈烈！我經已催眠自己，當成個世界杯月無發生過！算把啦…

星期二：

終於扚起心肝做新歌！2010年第一首歌，希望一個月內面世啦！

星期三：

3 Dimension嘅《3 Dimension Zhow x Talent Zhow》3 Dimension Danz Lesson第2堂又唻喇，想睇佢哋跳成點？即上Zhow TV睇啦！

http://www.youtube.com/view_play_list?p=419DA49B7B82BCDA

星期四：

今年第一個風唻喇！我一到夏天就成日上天文台網頁睇風！今年天文台颱風嗰版大革新，多咗好多颱風資訊睇，好過癮架！有時間入去睇吓吖笨！

星期五：

今日西九龍中心Dragon Music Alive嘅主角係周吉佩，靚仔靚聲，上去Zhow TV睇啦！

http://www.youtube.com/view_play_list?p=E6B1ED1C35E47325

星期六：

每個星期六朝踢完波一定去深水埗呢間大利冰室吔呢個自選四寶飯！每星期都食呢個無變過！雞扒火腿腸仔太陽蛋鼓油汁少飯加凍朱古力少甜吖唔該！

星期日：

唔知我會錯意定俾人呃咗，呢係臘腸狗包原來唔係臘腸做，入面其實係香腸！我大早以為係臘腸先買唻吔，原來臘腸狗係指個外形而唔係個餡！不過香港我都啱！照食！

星期二：

去咗睇史力加第4集！老連咁大個螢幕，又3D，認真無得彈！再加上有《知戲館》有我同3 Dimension嘅介紹，重唔快啲入場睇？

http://www.youtube.com/view_play_list?p=366689398A46BF34

星期三：

老年咁大塊雞扒！真係有我個頭咁大塊！都係18蚊，食一塊，頂足大半日呀！我特登叫老細唔好切開等我成塊揸住食！wow…yummy！快啲唻西九food court試試啦！

星期四：

7月1號唔知由幾時開始，經已變咗做一個遊行日，咩事都走出維園遊行一餐！我就睬你都傻，走咗入西貢影相！重試咗九萬幾年無食過嘅孖條！正！

http://www.facebook.com/album.php?aid=453554&id=795125301

星期五：

今個月dragon music alive又唻喇！打頭陣係楊嘉雯Shirley，有興趣又click入去睇啦！http://www.youtube.com/view_play_list?p=4433848B5C24DC9A

星期六~日：

今個星期六日又唻西九龍直播節目喇！睇啦！

《知戲館》live @ 西九龍中心「集體回憶涼茶舖」
http://www.youtube.com/view_play_list?p=366689398A46BF34

星期一：

唔覺唔覺，我公司total有16位成員！想認識佢哋？上去睇睇吖，我會不定期同佢哋搞show架！

http://www.zohodiy.com/?page=artist

星期二：

好勤力！將之前Zhow TV x Uonlive.com 節目 Jingle轉成video！咁大家可以隨時隨地可以聽吓咁多artist喺我節目嘅jingle喇！
http://www.youtube.com/view_play_list?p=304801DC62786193

星期三：

7 月7 ，我識有3個人生日，一個係我偶像之一Misia，一個係我多年老友呀苦，另一個就係我其中一個愛女Chaumet！呢盒高鈣低脂朱古力奶就當係生日禮物啦！先飲為敬！

星期四：

今個月西九龍中心增加咗一個 cosplay show ，第一場就由Chaumet, Bell, Miyako同大家又唱又蹤，click入去睇啦！
http://www.youtube.com/view_play_list?p=C66D09CBD0E70670

星期五：

唔知大家最近有無睇一個廣告，就係連續食呢個唔知乜鬼乳酪14日，就會減到肥喎！經我表弟女朋友個同事個妹證實，連佢呀媽日日見住佢都覺得佢瘦咗係work！所以我都要親身試一次！work唔work？兩星期後就知！

星期六：

又唻星期六嘅西九龍中心特約《集體回憶涼茶舖》直播室，又有特別嘉賓唻訪問呀！

《Hip Hop Zoho》Teen賦演藝工作坊舞之原素舞者訪問

http://www.youtube.com/view_play_list?p=1E560CF0CAD573AB

星期日：

《3 Dimension Zhow x Talent Zhow》3 Dimension Danz Lesson 01

http://www.youtube.com/watch?v=R7_eFCUNnyM

星期一：

做節目應承過聽眾post出唻俾大家睇！check it out！唻自M87星雲嘅日本球迷！呢張相無花無假，真係鹹蛋超人！唔係CG產品！

星期二：

第2屆我Zhow TV同Bandai Namco合作嘅夾公仔達人又唻喇！7月中至8月中6場大戰，留意海報地點日期時間嘉賓！記得唻捧場喇！

星期三：

唔知大家有無聽過燉奶佬Daneil Lo呢個糖水品牌呢?好似消聲匿跡咗好耐咁。今晚落樓下食飯，發覺開咗間金裝燉奶仔，唔知係咪燉奶佬個仔開，但啲嘢食真係有過之而無不及，3個字：平靚正！唔知去北帝街試吓吖笨！

星期四：

我最愛嘅意大利出局！有兩條友孭硬呢隻驚世大鑊，第一個就係唔夠知人善用巳嘅納比！啲人話意大利啲人老，講真，唔計生鏽嗰個，所有老將都比啲後生踢得好！第2個就係36歲重霸住做隊長嘅生鏽小鋼炮！馬典尼都係33歲退出國家隊！佢兩個一定要負全責！唔好返意大利喇，索性行去好望角跳落大西洋把啦！

星期五：

下個月嘅Dragon Music Alive又唻喇！今次就改咗喺7樓做，時間都係1700無變！記住唻捧場呀！

星期六：

又到一星期一次嘅西九龍中心嘅集體回憶涼茶倗直播窒！今次就係Dimension 難忘暑期回憶！記住睇呀！

http://www.youtube.com/view_play_list?p=C4C2D2A55CB5EBA4

星期日：

今日同呀Yo做完節目就一齊去咗佢個女嘅百日宴！好得意呀！我哋成班老友就排住隊同BB影相，你睇呀Yo個樣幾慈父！