091031万圣节香港行

终于得闲写番下上个星期香港行的嘢啦，我都话咗啦好快我就会係度缅怀过去。

两日的香港行可以讲是咁多次去HK去得最舒服嘅一次，无太多的行程，只是见下VAN见下朋友。

虽然係见到VAN之前站咗好耐但值得，VAN讲住D比之前进步唔少的中文，从02年百事开始就N年没见过某人跳舞果日终于意外收获咗见到某人跳舞。唱咗只我唔多记得的歌，惭愧~《如果》我一定会听番熟

机场的VAN依然係一贯嘅作风，非常有型。黑色T /十字架项链/眼镜/帽（睇唔到幸福果个LOOK），然后一直以大侧面对住我哋，不时会俾个正面我哋睇下。入闸前本来行右边的佢突然行咗左边，完全係一个大大的正面。而且当有人叫“希晞，加油”的时候佢竟然偷笑，唉~~某人是想杀人啊。不过某人有一样嘢不得不服嘅係装傻子，竟然同我哋讲“你们也有看”拜托~係边个过一两个星期就叫我哋去睇下《下一站 幸福》架。无言~~

不得不提嘅係某人细佬半年无见竟然有星味咗好多。

好耐都无见过班朋友仔啦，嘉仪越嚟越靓而且好似瘦咗，希望佢屋企的事可以慢慢好起身啦，等佢唔使咁挂心~要肥番D

SzeSze壮咗小小而且个样有D累都係林宥嘉先生累架啦，飞台湾飞HK想唔累都唔得啦。如果係我我就唔会为林生咁飞法，林生实在另人嬲一D进步都无，竟然仲咁的表现。黑脸对FANS你以为你是边个啊，识唱歌的人大把你唔係唯一架，拜托你正常D啦，米会越嚟越多人离你而去。包括我~~

见到听闻中上海的云同颖颖，第一次同云见面就讲起相睇嘅话题真係搞笑。30岁后都未嫁出的女人就变成净女啦，离30仲有唔远距离的我第一次觉得原来咁恐怖~

因为去嘅果日係万圣节，所以HK好多地方都会见到万圣节有关嘅嘢。係马湾附件食嘢果时见到几个小朋友一身万圣节打扮，有蜘蛛侠、狼人，本来好有冲动去揾个小朋友合影下的。但当见到个扮狼人的小朋友从远到近行埋嚟果阵竟然觉得好恐怖，终于打消合影的念头。