昨天放工便去九龍灣陪Angel佢地睇婚宴場地
星期日先話結婚, 星期二就可以做決定
真係有效率

做完正經事之後, Joe爸爸便請我地食飯
呵呵~ 又唔駛錢又餐食

多得Joe既誤導, 令到我無啦啦去錯左Mega Box
攪到我白行一趟  激死!!

今日唔知做咩事, 係咁流鼻水
可能我又病倒了

今日第一日開始聽OSS
感覺都唔錯..... 因為無咩call嘛
聽左成日都係不過係得14隻call~ 爽呀!!
估唔到一開工既第一隻call就要落盤
好在有其他同事既協助, 順利完成我第一隻既OSS

今日又要出去MK
1) 陪Joe派帖俾朋友
2) 陪Angel買姊妹衫
攪完一輪之後便回沙田食飯
本來打算叫pizza食的, 不過最後都係由奶奶煮
因為奶奶唔鐘意食pizza喎~

今晚Angel+峰商量(佢地)結婚既事
無錯呀~ 佢地終於都結婚啦
不過好似有少少趕急+少少突然~
既然有心要結的話, 點解唔早少少開始準備呢?
因為宜家好多酒店同酒樓都已經full booking

今日約埋一班姊妹出MK買姊姊衫
原本打算去完MK旺中之後, 再落TST百利睇的
不過係MK已經搵到合心水既衫, 所以就無再出TST啦
真係好好好抵呢~ $140/件
即刻覺得自己好精明!!
當然一分錢一分貨, 質料就一定無咁靚架啦
不過都只係著一晚之嘛, 所以我覺得真係唔駛買D咁貴

搵到呢班咁易話為既姊姊, 我真係覺得好開心~

可惜.....
Natalie因為病左, 所以黎唔到
Angel因為公司有事, 所以都黎唔到
又要再搵一日陪佢地去揀衫

本來打算今日俾埋D帖各姊妹
不過大頭蝦既我, 竟然忘記了~ 唉!!!!

今晚本來打算回家煮飯食的
不過因為Joe臨時要出CWB幫Angel攪少少野
所以最後我地出左去食飯
好在有人請唔駛自己俾~ 嘻嘻!!
不過就要浪費之前買落既餸啦

好開心Angel+峰, 終於都可以係最後一日, 追到想要既獎項
不過如果下次有心做的話, 就唔好攪到咁忟水啦
凡事都應該一早做好準備, 而唔係臨渴先至黎挖井!!