首先要說，實在感謝AliveNotDead和tom.com給我和其他藝術家的支援，我實在是把這個page當成家了，因為無論在哪個搜索引擎，最先都能找到這裡的自己，也提供了一個平台讓我認識了很多朋友，讓更多的朋友認識我。不認識的呢，今天開始，記住姚嘉兒！

不過呢，也要開始養成少用白話的習慣，讓大家更能看得懂嘛！

讓我先報告一下各項事情的進度：

專輯　－　努力中，做歌詞和編曲的事令我頭痛得想要爆！因為改來改去，都覺得可以有更好的

拍照　－　為了專輯和宣傳照，當然要好好的減一下磅，可惜效果還未見，不過已經約定了要拍的了，唯有盡力而為啦～也必須要多謝朋友的仗義幫忙和兩間贊助的華麗衣服（如果大家不明白為什麼我只影華麗衣服的話，我可以告訴你們呀，就是因為沒有時間去找贊助，而我現在的贊助都是做晚裝比較多的．．．當然有其他的贊助在談，但如果大家有好介紹的話，也要告訴我呀！）

音樂演出　－　上星期末抱恙在屯門演出，選了自己很喜歡但難度沒那麼高的歌曲作演出，今個星期會做一個更好的！１２月１９日有兩個演出，當然是有關聖誕啦～然後１月９日和１０日是幫朋友的千人婚宴活動演出（請留意雜誌宣傳資料），２月尾是年度重點演出，現在和一位好朋友在策劃７月初一個特別的音樂會

電影　－　不是完了吧？對，上次的是完了，但是又在陽錯陰差下得到另一部電影的另一個角色（令今年的電影試鏡命中率是100%！）實在要感激大家給嘉兒的機會呀！希望做得好好睇睇！

其他工作　－　成立了一個站點，主要是幫婚禮做音樂的，因為我們喜歡快樂和幸福的事情，所以喜歡幫朋友做婚禮主題曲和音樂呢

下次再update的時候，再放一點新的照片吧～

一直籌備已久的大碟, 正在火熱進行中
由於本來只是希望做EP, 現在決定了以大碟為目標, 所以希望可以收集更多的歌曲

各位朋友, 如果你有興趣, 歡迎把你的demo發至dive5d@gmail.com
我們會選出來收錄在來年年頭推出的大碟中
沒有合約在身的當然最好, 有的話也不要緊
不過我們特別希望跟有潛質的朋友長期合作, 一起進步

特別想收集:

如隆重登場式的快歌
3拍子, waltz感覺的

等你們啦~

話說最近, 特別是國內的論壇及網站, 都流傳著香港歌手姚嘉兒的貼圖
還包括了我在alivenotdead上的資料
還有不少是放進火辣性感美女貼圖區的, 而且大家對相中人都大有好評

但是... 那個人並不是我, 不是真正的姚嘉兒呀!!!!

首先一定要多謝把姚嘉兒的介紹和圖片放上去,
令大家了解到香港有一位女歌手叫做姚嘉兒的朋友
一下間在很多地方都見到自己的名字和介紹

我自知天生不是作美女貼圖區的料子, 樣子也是笨笨的
相中人當然不是我, 我猜應該是另一位幾年前的香港樂壇新人, 也叫Venus的

各位大大, 能夠幫我到不同的論壇澄清一下和解釋一下嗎!
雖然知道我的真面貌可能會令大家的想像幻滅, 但是畢竟我還是希望做自己呢
而且, 也要還相中的真正美女一個公道呀!

雖然我好怕俾人見到我個真面目, 但係為左令大家能看清楚我的樣子, 所以我決定自投羅網, 把拍得比較清和在studio影的相放出來在以我名字為名的相冊中, 希望各區的版主能為我更新!

小女子天生不是美人胚子, 請見諒!

呢排實在好好好好好忙, keep住0係唔夠訓既狀態
日子過得好充實, 但係一路都覺得好累

首先上個星期拍左電影後, 一路都仲未recover番0個d累...

公司既事愈來愈好, 俾我既機會同信任亦都愈來愈多, 我覺得非常之感激
而同時, 亦都係壓力所在... 今個星期完成左4份business plan, 講緊既都係大大大生意!
每一次都諗到我頭都痛埋人都癲!
可以想像到來緊幾個月都會有好多挑戰!

另一方面, 由於老公仔而家轉左返夜晚, 除左夜晚去探班外,
我將平時通常搵老公既時間做左其他好多野
包括: 上番跳舞堂, 搵番d需要見既朋友上來, 傾大碟既野, 準備12月的3個show, 1月的千人wedding show, 2月的show... 講緊唔係平時d 屋村show呀, 而係出左我個核核突突大頭poster的show呀, 所以一定要認真準備...

係呀, 本來我諗住做ep就算, 但係得到老公支持下, 我決定要做一隻大碟
我想講, 原來. 真係好辛苦架
由揀歌, 揀/填詞, 諗編曲, 諗邊度錄音, 邊個做mixing同mastering, 樣樣野都要睇住budget, 樣樣點都要有d親力親為 (畢竟自己先知道最適合自己既係咩野) 仲有要諗每一首歌要點唱, live performance既話個intro要點, 派台既策略等等, 根本就係唔係一個人既能力可以諗到, 但係自己做碟既優點同缺點都0係呢度, 做k歌, 都要做d arm自己唱丫...

可幸既係, 我路途上有好多好多, 數唔到既支持我既你地
我未講價錢, 一首歌都未做出, 就決定要一百隻一百隻去買既你地
拍哂心口有咩要幫手都全力去幫既你地
仲有唔嫌棄我係嘍囉既你地
信得過我既你地

呢個"捱"既過程, 係辛苦, 但係我相信好多人都係行過一樣既路, 先走到佢地既一步
我其實都好怕俾人認出我, 好怕會隨波遂流無左我
我, 只係想一年可以出一隻大碟,
我同老公既諗法, 只係將好多好音樂人既心血, 唔會埋沒在電腦的一角,
可以由一個有心機去唱既人, 帶佢地去到世面
就算唔紅無人識到好, 至少有一個紀錄, 讓後來既人有機會聽到

香港樂壇其實唔會死架
周圍, 求其我身邊, 都有好多個好叻好叻既音樂人
佢地既好歌都賣唔出咁解
只係呢個娛樂圈無一個良好既制度, 去培育出能唱歌既人
(我唔係講勁, 但係至少可以正常咁唱live既非偶像系列)

如果一直香港只係出靚人, 靚人又唔期望有好嗓子
咁稍為有d難度同味道既歌, 都唔會被選中
咁點會有改變呢

所以... 我呢個嘍囉, 只係希望可以帶來一點點改變
亦都希望幫有心唱歌既, 有心做音樂既, 帶來一個新的機會
當我做完自己的大碟後, 就會開始做朋友的EP (哈哈, 呢方面係有d唔公平ge...)
亦都希望我一年一碟的夢想可以達到

或者會用哂我平時工作搵到既錢, 但係, 我唔會後悔