唉......

真的累了。我受夠了啦！！這個禮拜工作壓力超大的，每天下班要趕回家起個麵包，然後再出門上學去。老天爺，我到底還要承受多少個倒霉，為什麼總是被惡運纒身。我的瓶子什麼時候才滿？才能跟你把它兌換成好運。唉......

還有，21歲的生日快到了。今年的生日應該很難忘，因為今年生日當天應該會工作到想死，到時候我應該會累得像“一條狗”一樣。我許了十多年的生日願望，要到什麼時候才能實現？我，真的開始漸漸衰老了。說不定明天走在街上就會被小朋友叫我一聲“阿姨”，到時候要哭還是笑，我真的不想知道。不知道未來還有多久的路要我走，我只知道在這一刻我要努力，如果我現在就放棄，老天爺你一定不會放過我。為了將來，就加油吧！！

地獄式測驗月，話咁快又過左一半咁滯啦，成績大致上還可接受。繼續加油！！

我，係好多人陌生人眼中都係一個奇怪嘅女仔。但若果你肯認識我多D，你就會發現我係一個比你想像中更奇怪嘅女仔。唔知呢個世界幾時先可以認識下我呢？我會耐心等待，直到發現能夠容得下我嘅新行星。

唉！！原訂星期六謙仔嘅BBQ PARTY又要取消啦！！成日都係咁，總有阻滯。呢類PARTY倫宅已經好耐無搞啦。大家大嘅大、老嘅老。呢五年內，多左好多成員，但大家嘅工作、負擔亦多左好多。前幾日仔細咁聽左幾次王宛之嘅小團圓，歌詞好吸引。同我最最最有共鳴嘅係“一起約好過年 缺席人物多於往年，只能齊集仍在的臉 趕快地拍下照片，你要記 記住這歡聚而不是太短”。依家每次聽呢首歌時，前面都沖OK，但一到呢句就......

嫲嫲、九姑丈，你地過得好嗎？我好掛住你地呀！同你地一齊嘅片段可能有好多，但係隨著我嘅長大，要學要記嘅嘢越嚟越多，好多我已經遺忘左啦。得閒嘅話，你地返嚟睇下我呀！仲有爺爺，雖然我未見過真正嘅你，但係我知你好愛我架。我真係好羡慕人地可以有爺爺嫲嫲錫、唔開心時有人可以抱住你，同你講：“唔好喊啦，冇事架！”我真係好掛住你地呀！你地唔好丟低我唔理呀！如果你地真係要愛第二個時，可唔可以返嚟同我講一聲：“我要走啦！你要加油！唔好掛住我啦！”我真係好愛你地架，你地呢？

終於test左英文啦！！鬆左一大口氣。不過仲有小小保留，唔知會有幾多分。依家好開心咁食緊老豆整嘅海鮮粥，超正，超多料！！

加油！！有好多測驗排住隊等你~~~~~預祝大家萬聖節快樂！！~~

10月19號          好攰呀！！~~~~~~~

好耐無上嚟啦！！大家有冇掛住我呀？話咁快我嘅半工讀生活，到今日為止已經過左34日啦。咁耐以嚟，今日係第一次有呢種感覺—好想就咁暈低、瞓係公司地下。因為已經太攰啦！！依家得小小測驗就搞到我咁，下個月大測月都唔止點算！？雖然係咁，但係我都唔可以放棄架！我要繼續努力，為左我嘅理想，唔衰得架！！加油！！

今日係公司無聊時，諗諗下覺得自己真係好渺小，好多人比我呢顆小星閃爍得多。依家我嘅諗法簡單左好多，冇咁執著啦。其實我都唔係一定要做歌星嘅，做一個唱DEMO、一個和音、一個作下曲，甚至一個唱片公司嘅小小職員。我都會好滿足。只要唔好比我離我夢想太遠就得啦。呢個世界好多嘢都要靠運氣嘅，有D嘢真係唔恨得咁多，最緊要自己真係開心，唔係每日掛住個開心嘅面具對自己、對人、對呢個世界，咁就已經好好啦！！

依家最想嘅係讀好D書，唔好咁易就有放棄嘅念頭，要持之以恆。仲有呀！呢排D文筆差左，要多D動筆之得啦~~還有，希望屋企能夠變返以前咁開心，唔好再嘈啦。小豬仔，快D長大，努力過生活啦！！

祝大家中秋節快樂！！~~~

以前每年中秋節都係同屋企人過，係呢幾年有時撞啱要返工就同同事過。但今年嘅我有d心虛，我同細佬臨時背叛左屋企人，今晚要同黃子華過~~~~~~~

為期四日嘅假(學校哥邊)唔經唔覺已過左兩日，就快三日啦！！呢幾日過得都幾開心，有玩到，亦有溫到書，唯一慘嘅就係「超眼瞓！！~」頭先啱啱去完漁頭大中華美食節，好飽。依家又就嚟出發去睇黃子華啦！！返嚟得閒嘅話先再講啦！！BYE~~~