第一次煮鱼！~

        哎，阿妈唔喺屋企就係我显身手嘅時候啦！

        噚日老窦嫌無乜餸食，要我今日去加餸。。。。咁我今朝就一早起身去市场买餸啦，由于禁摩嘅关系，我唯有踩单车去市场啦，点知唔小心整亲只脚，重脱皮添。。。。

        去到市场，我就好似盲头乌蝇咁周围撞，摸清D格局后就开始扫啦！

        开始买咗排骨，之後就係3菜心、生菜、白菜，最后就去买埋鱼啦（老窦要求食鱼）~买完之後就返归啦~

        到咗煮饭时间，我开始我嘅第一次煮鱼~首先将D鱼煎香，摊冻少少後就可以煮啦。喺摊冻期间，我就准备其他D餸。跟住我就开炉啦，热咗镬就加入酱油煮，煮到咁上下就打返个芡，再加埋D葱，咁就OK啦！

        煮好後自己试过下味，都觉得OK窝~哈哈。之後老窦放工返来，佢试过後我问佢我煮成点，佢话“几好啊，都几好味啊！”哈哈，都可以宣布成功~虽然自己觉得同阿妈煮嗰D差好远，但味道都算OK嘅，不过卖相就麻麻，可能煎嗰下煎得唔好。。。。不过第一次整都合格咖啦（我觉得）！~下次会更好咖啦~

        虽然今次成绩都OK，但进步空间重係好大！呢个第一次都几有成就感，哈哈！