黃宗澤送外賣冧老細
舒淇、黎明碰杯賀岳少生日

東亞唱片及寰亞電影老闆林建岳昨日生日，旗下藝人前晚到中環出席扮嘢生日派對，其中以黃宗澤的出前一丁外賣仔造型最為生鬼，成為扮嘢比賽冠軍。雖然各人扮嘢出位，但當然不及黎明和舒淇這對舊情人同場祝壽般矚目搶鏡。

中環中國會前晚星光熠熠，因為林建岳昨日 52歲生日，當晚在中國會舉行扮嘢生日派對，一班藝人現身賀壽。為配合派對主題，不少藝人歌星皆花足心機扮鬼扮馬，不過始終不及黎明（ Leon）和舒淇這對舊情人同場矚目。

當晚林建岳率先於 8點到達，笑容滿面，問到有甚麼生日願望？他說：「乜都好，最緊要大家好。」隨即入內。不久舒淇身穿秋裝裙坐保母車到場，雖然剛剛收工，但她依然精神奕奕，問到送甚麼禮物給老闆？她笑說：「我嚟已經係一份心意。」不過由於昨日要開早拍戲，所以舒淇表示只會逗留一會及不會飲醉。提到 Leon也會到場，舒淇說：「冇問題，如果真係見到面，碰杯都冇問題。」

黃宗澤扮嘢出位

約 20分鐘後， Leon到場拿着類似酒的物品到場，相信是送給林建岳的禮物，不過 Leon只給記者影相，未有接受訪問。之後其他賓客包括楊千嬅、任賢齊、杜琪峯、 at17、林一峰、 Janice Man和衞蘭等也相繼出現，但他們並沒有扮嘢出現。
至於其他嘉賓則悉心扮鬼扮馬，廿四味扮美國搖滾樂隊 KISS，相當神似，同行的吳彥祖則扮李小龍，不過廿四味中未見陳子聰出現。全晚最出位搶鏡都非黃宗澤莫屬，他扮出前一丁外賣仔，相當神似，他說：「我專登喺網上訂呢套衫，又搵人幫我化埋妝，再加埋外賣箱同長壽麪。」結果他不負眾望成為全場冠軍，亞軍是廿四味，吳彥祖則得第三。
採訪：馬建華
攝影：黃文成