-
Wednesday, Oct 8, 2008 1:16AM / Members only
十二點起身...無去街...留在家亂攪野.都唔知成朝攪0左d乜..><......大約四點幾先出街....
去了西九明將食..去到只是五點幾,但人數都不少...等了一陣有位....
不過坐在我身邊總是怪人......不過聽佢兩個對話是講日語..先是一對日本男女...但個女的有叫order..即是識講一點點中文,廣東話....但佢地竟只食壽司上肉,不吃壽司飯..更不停將食剩或唔吃的飯擠壓在兩個碟之間...是不吃很多舊...於是趁有伙計執碟時細細聲講...伙計就叫佢地攪掂佢..最後佢地埋單使唔使罰錢就唔知..因都唔覺出面有另外收錢..一來佢地是自己出去物埋單,二來知的伙計又無跟佢地是否有食晒..我唔出聲佢地都唔知啦....之後來了一對母子...個阿媒好似唔喜歡來這間野食..講電話時彈三彈四...咁把閉咪廳黎食啦....背後一家人又係鬼殺咁嘈...個女好似飛女咁,講電話行開講,但張凳就咁拉後就走..明將條路鬼咁窄,真係畀佢張凳阻晒....我左邊又黎一對女..佢地又係有病....個膠蓋亂放又想整污糟...我忍唔住話佢知是要用番....過了一陣0個兩個母子食完又黎一家怪人...個細佬女開筷子開到撞到我放在檯上的木筷子...個仔又係癲...在出見到有人嘈交..因乜嘈就唔知...由於食到都無癮又無野食,食了唔係好多,到六點幾七就走.....
離開明將後搭西鐵回家...大約八點返到歸...
晚上用個幾鐘執好加LOGO可能放上北京之旅的相...另外燒了一些DVD和VCD...
Add a comment
-
Friday, Oct 3, 2008 12:26AM / Members only
成日都食了好多零食....包果茶,味比較淡...不過都幾香...
去市中心...無買野,無扭野.....行了一陣便回家...大約八點返到屋企....
回家再試yahoo,今日終於回復正常..可以去番geocities..是香港雅虎去開0個頁...不過見到有點不同..是沒有我沒有,不識用過的 FTP服務.其他是一樣的...咁都好,只是暫時性失靈..都無咁驚...如果叫我重新up一次咁多個網咁多file.....我真的會放棄囉...><...
回家食了兩條栗米和飲了可樂.....
又有可能打風呀...因為個風明明不是吹向香港,但竟轉彎兜向香港...但打到黎都無用啦...明日,星期一打到黎就話0者...><...
Add a comment
-
Thursday, Oct 2, 2008 12:18AM / Members only
大約十二點起身...睇星蹤無野影..不過今日是有出街的必要....於是執dd野,帶埋部新相機便出發.......
第一站是去旺角的朗豪坊...因為想睇睇買唔買到bag...但上到去唔知點解行0左去無印良品..見到零食就不停執執執...執了50幾元的東西...未買bag就手執一袋零食了..唔知是否錯,因為手執一袋野周圍去好唔多方便....
在朗豪坊睇完運動店都唔見0岩心水的袋,想走時見到3點在12樓有日本女歌手影...見時間尚早便上番12樓頂樓...影了一陣,在節目未完便走......在扭蛋店扭了三個各10元一次的高達頭扭蛋,但三個竟有一個渣古重複了..扭完便離開.....
跟著行去波鞋街....但看到過西洋菜的隧道擠滿人..更見過朗豪坊方向企滿人等過去呢......新聞唔係話少0左大陸人黎香港,港澳旅業在國慶黃金周好似生意好差咁..但成個旺角周圍都好多人喎...
行了幾間運動店..終於見到一個Nike Bag...但只賣剩陳列我手拎住的最近一個..我見個袋無乜污糟和破爛,款都幾好更懶得再周圍睇了..於是就成交........
大約八點返到屋企....
回家後便幾十張執相和睇番一些BT完的電視節目...
國慶煙花仍是無心機睇..無FEEL...但另一問題是極大和極煩的...
因為今早想upload網頁東西時,由昨日起,去開的香港雅虎upload網頁0個頁,在登入後,唔知點解會去了已登入的US yahoo geocities ...點都去唔番我去開的香港雅虎geocities...知登入後飛了去美國之類的....如何也是去唔番我原本upload的該頁...在那個US yahoo geocities更找不到我早已做up好的網頁file...內裡空得好像是一個全新A/C一樣...是否yahoo將我的A/C cut了?但其他服務卻沒有問題..到底發生什麼事???是暫時性定點架...><...即是從此無得再upload更新網頁????咁個個網點呀.....><......所以日記也再upload唔到..只可放在yahoo blog,xang和alivenotdead了......
無人回我mail或留言...><.......
Add a comment
-
Sunday, Sep 28, 2008 12:46AM / Members only
又係喪瞓的一天....昨晚又玩玩0下nds和未聽完18樓c座便瞓著...
結果今日一點先起身..睇完星蹤一來咁晏好多數開晒,二來無function想影或可以影....大約兩點便出發....
到尖東先去拎HP買Printer送的墨水..
此時有點點下雨....整天都是天陰陰,陽光有點欠奉....
之後便行行尖東的博物館...科學館好快再睇深海奇珍,這次睇上次覺得似發泡膠的安康魚,今次睇清楚又可能真的是魚肉....行完再跟首行埋鄰近的歷史博物館...
行完便直接攪今天應該做的事...去東瀛遊攪好自由行一事......酒店七天後知道有沒有,但機位是出發前七日才知道...但confirm了酒店便要畀晒所以尾數呢..畀完重要等成個月先知去唔去得成......
希望這次真的成行啦..但又好驚五天自己一個人點過和可以去到邊呢...><.....
跟著回海港城那邊..由於天已黑,所以無影相...行過藝術博物館和太空館又行行...在玩具反斗城無野扭....
回家八點幾九點...
一路在家無無聊聊無做到D乜....
就係咁今天行晒尖沙咀幾間博物館,好好利用了博物館pass........
Add a comment
-
Friday, Sep 26, 2008 1:35AM / Members only
本以為一切如常好舒服過一天....點知...咁就做了成朝....
下午飯後去了惠康行一個圈,因為真的齋行...無買野便回去.......
去睇20世紀少年20th Century Boys....
電影在沒有預告便開始...電影頗多以倒述和穿插時空的方式交代事情的發展...由於沒有看過漫畫版,只能以一套電影來看待,雖然片長是140多分鐘,但整套戲沒有什麼的悶場,或許是漫畫篇幅頗多,要說的內容也豐富,也很緊湊...相信戲中的角色關係是維繫於友誼或友情,因為被盜用的朋友組織正是他們年少時的友誼結晶,成長這個過程張他們分散..最後是因為這個朋友組織再令他們集結起來....因為主角在舊生會是幾乎認不到很多小學同學的...連創造這個屬於自己的一班人的秘密基地和預言一事也幾乎忘記一樣.....戲中提出了一件事,是三位美國太空人登月一事,在太空船有人差一步便搭足月球表面...可是因此遺憾...是否暗示有人被忽略,所以引發現在有人利用主角健次的預言書肅清世界?????
由於這部電影是以三部曲的形式改篇漫畫版,這一套只是第一集...當時有很多謎團沒有被解開....更留下一條大尾到下集揭曉呢....
此片不時時空倒轉回憶往事或交代時件,所以幾名主角也有小孩和成年的樣子,戲中也是找來兩者很神似的演員,幾位主角和小孩的相似度幾乎是70至90%呢..最神似的是主角唐澤壽明,第一個影小孩的樣子時,還以為是電腦效果呢...因為實在太似了........戲中真的很多出名演員演出,可說是沒有臨記的...
電影由七時三十分到九時三十分完結..看了一會credit,以為沒有沒有什麼,因為完結時沒有指明有特別片段便離場.....怎料回家上網,看到是狸最後出晒所有野是有第二集的預告呢...又一次睇漏了......
離開戲院時看到地面是濕濕的,即是曾經下雨....
大約十點回家........
今日是中國航天大事,是神舟七號升空登月...
日本package..5天大約5千..但加埋其他離境稅之類和旅遊保險,差不多7千先出到發呀...係真就要星期六日去落訂,睇0下好唔好彩去唔去得成了...唔通搵唔到伴唔使去咩...><...
Add a comment
