好耐冇打xanga或其他Blog, 今日本來好開心咁去行街, 出門前E-mail收到Facebook一位識了N年的夾Band既朋友訊息話獨立.生活 第9集提及到本地band show搞手的手法問題當中亦提及music gig 有興趣知道既可以聽聽, 我當然去dl , dl果陣咁岩仲同近亞諾傾電話, 話埋比佢知, 佢竟然話 "呀乜你唔記得ar jack第一日去YO Park既時侯話過一樣野咩? 就係唔要小圈子Band show, 要多D認識Band show, 要沖出去小圈子要變大圈子咁先會多D人認識Band留意到Band", 不過約左人趕住出門未聽晒迫住走.
夜晚返到屋企再聽, 聽完了..第一個反應!!冇野呀~Music Gig霸住YO Park, Music Gig點霸住YO Park? 唔通我咁多錢租全年場唔比其他人租? 我冇喎... 第二個反應打比ar Jack~不過冇人聽. 第三個反應回Facebook朋友既訊息. 第四個反應send比Music Gig各人聽..各人反應差無幾一樣吧..
其實我係係會唔開心, 好唔開心, 極唔開心, 本來今日好開心的又冇諗住買衫又買到好野!! 好開心咁返屋企不過今次真係唔開心, 批評既聲音我唔介意, 我會願意聽, 有人要攻擊我會守, 每個人都會有唔同既觀點與角度, 不過一向以來我都好小去攻擊人批評人, 因為幾年前又係有一D攻擊性既文章係討論區出現, 你罵我 我罵你, 最後我知道夠了, 我是對的唔再去留言, 結果大家都知我係o岩冇錯佢先係衰, 時間證明到等其他人上鈎才會明白到當初做乜會嘈呢..咁幼稚, 點解有人會係兩頭蛇一時一樣.
再夜D找到 ar Jack, 原來佢一早知...唉...點算..24/4仲要搞Show, 22/5仲要係Music Gig五週年, 呢刻有D唔開心, 因為信念冇錯, 用心去做既一件事比人話咁多年係完全冇心做佢只係耐性, 耐性都唔係而係"磨爛蓆", 所有人唔應該去睇佢地既Show要低制佢地, 所有band要低制佢地, 講真做乜要咁我用心去做既一件事比人話到咁我真係頂唔順, Cathy救命呀..02年第一次搞Show就係同亞樑、桌球佢地搞, 一直以黎都咁比心機搞第二次同你搞仲係大勁蝕錢同你一齊夾錢比租音響Miso, 經過呢次同肥笙等等人..因為金錢重認清楚某人既人格, 究竟為左乜搞搞到咁最後比錢係有開心同痛心, 筆錢真係唔係小多謝你陪我搞場Show. 再次組成Music Gig既喜悅, 沒有任何別的資金,各人也沒有工作而去沖一次再次搞Show係一個冇乜可能做Band Show既地方搞Show, 甚麼也沒有也要租, 沒有電梯音響要用人手搬上樓梯, 自己整鼓台, 觀眾同Band絕對零距離, 因地方很細..但係音響用近4x12既結他Amp, 真係奇績, 要多謝波波咁大膽比個場我試, show後還原場地仲有好多人辦手, 掃地下煙頭, 拖地等等, 最後仲試過有警察上過來, 又係樓下查觀眾身份證...想起很多回憶..
深夜E-mail收到Facebook朋友訊息, 由初哥聽band識到而家的朋友, 諗一諗可能有8-9年了, 一個多年的朋友需然冇乜聯絡不過我係有留佢隊Band, 話相信我真係有心搞show既人,不過冇小圈子又點成大圈子? 起碼有人知我係真心. 我有諗過放棄放棄埋夾band不過某日係洒吧既出面盡情喊完就重新再黎過, 其實現在的Show真係好小圈子, 不過今次可能係兩個小圈子既事, 係打字既同時我喊完會重新再黎過, 不過如果有得選擇我想係街盡情咁喊會好D, 我比較冷靜識控制情緒好小會忍唔住喊, 不過今次既淚水無法阻止自己流下...頂唔順了...過去的記憶.是痛苦?是快樂?是悲傷?憔悴?還是落淚? 根本不想理會了, 很怕被家人知道, 無啦啦飲飲下水對住部電腦流眼淚, 就相信明天會更好吧.
期侍更多的事情..
期侍Music Gig既24/4show及22/5Music Gig五週年的來臨, 更加期侍外隊的來臨精彩演出, 當然更期侍其他人既睇法或意見.
天已亮了....天氣很冷....去訓了....