I am on TIME!!
Yes, I am on TIME! Time Magazine!
This time, me and my friends flim by  Time Magazine online, by our good friend Peter.
He is a really good guy, on taking photo, video, he he is really nice, show respect to us, and we also!
Respect to TIME and Peter!
I love the video! This is a video talk about HONG KONG Parkour, and we talk about what we think about it.

Music by my good freind - DJ Enso, he is a really good DJ, know more about him at:
www.solosrecords.com
www.pimpinainteasy.hk
http://www.alivenotdead.com/djenso

Um, here is the video, I won't say much, just check and enjoy it!

http://www.time.com/time/specials/2007/article/0,28804,1815747_1815999_1815995,00.html

把感覺用攝影機拍了下來, 希望妳能分享, 希望妳也會有所感覺。這是我眼中的廈門, 有一日, 妳會拍下另一個廈門, 和其他人, 有其他的鼓浪嶼, 有其他的故事。

日期:廈門的第4日, 回到香港的日子。
時間:安定下來之後。
地點:香港

廈門/鼓浪嶼/香港/中國/妳的名字/妳的說話/照片/愛情/錯折/失敗/努力在其他方面/努力去麻醉自己/努力去戰鬥/痛/哭/睡/我愛妳/接吻/抱妳入懷/女人/抱抱/
一堆連帶聯想的字。 如何去串連起來?
來到廈門, 到底, 帶走了什麼, 留底了什麼?
為何而來, 又為何而愛上這裡?
在回到香港, 一步出機場巴士站, 我想"為什麼這裡會這裡陌生?", 更可怕的是, 我竟然有討厭呢到既感覺, 好可怕, 呢到唔係我既"家"咩??
我想回頭就跑, 上飛機, 回廈門。

背包很重, 背著的可能不只是行理。

今天,起來, 將房間整理好, 被摺好, 床單鋪好, 垃圾包好, 行理放好。
將寫下來的POST CARD寄了, 將寫了我心目中的故事的留言薄交給了阿姨, 將留言釘了左牆上, 將多謝的POST CARD 放到BBC 的店, 再一次和店內的天使們傾計, 啊姨很好人, 帶我到車站座車, 教我去正骨。
呀姨比自己的媽更像媽媽, 是對著自己的父母天多, 感覺不到關心, 還是陌生人為你做的, 不會太過火? 因為他們沒有要關心你的理由, 所以感動來得真實? 還是父母的關心太過火, 而且太公式化?
愛一個人, 原來唔需要做太多, 別人就會感到幸福, 只要一個小小的心意, 別人就會很開心=]
阿姨, 還有天使店員, BBC, 呀叔, 廈門的大家, 要好好保重, 我有日會回來, 可能還是一個人。
有日, 她都可能會跟她愛的人來到, 到時, 請把幸福和溫暖帶給他們。

今天吃了沙茶面和芋包, 很好吃。

四天,一連四日, 一個人的旅程要完結了, 感覺有點依依不捨, 原來一個人, 會有另一種得著, 另一種體會, 這未必是不快的。
係去之前, 我依然擔心, 一個人會唔會好ON 9? 悶的很, 一天到晚不出房浪費了一個假期?
很擔心一個人會很怪,很唔知點。
國語不通, 英文不好。一個到一個語言不通, 陌生的地方, 會有什麼事?
我以為一個人旅行, 在旅舍是很平常的事, 原來, 我是很特別的一個, 原來根本沒什麼人會一個人旅行, EVEN 回到香港跟人提起, 他們竟然會說"很有性格"
我只不過是去找尋一些失去了的, 得不到的。沒什麼大不了, 不過, 原來, 係別人眼中很少人這樣。

娜雅的留言簿, 很是好看, 每一篇, 每一頁, 也是一個留言, 很溫馨, 很令人感動, 很溫暖, 愛情, 友情, 親情, 每一個留言背後都有一個不平凡的故事。
每一頁都是別人留下的思念, 回憶

從前一起把回憶留底在這裡的, 有幾多到今天還在一起。
有多少個童話故事延續至今
有多少的幸福會開花結果?
每個故事, 有些完結, 有些還在繼續, 不過, 係呢個空間, 係娜雅的咖啡室內, 他們把故事停留了在咖啡室內, 在每個看官的眼中, 他們的故事就是永遠。

我們的故事, 可能都會成為另一個永遠, 在陌生人的心中。 我終於, 把妳留在我的身邊, 在陌生人的心中, 在另一個時間停留的空間。

回港了, 一切會回到正常。 夢還是要追, 繼續的尋找。
回到這麼近, 而又那樣陌生的大都會, 繼續在公司, 練習場, 家 和蘭貴坊生活, 繼續沉迷, 迷失, 有人, 有迷失於鼓浪嶼, 我, 迷失於蘭貴坊。
生活下去,一切都會繼續下去, 今日旅程既完結, 會係下個旅程既開始, 一話, 根本呢個TRIP未完?
生活下去,反正生命總是要繼續, 總不能自行了結。 哭不出來, 都要生存。
生活下去,繼續追夢, 追尋一點點既安慰。

鼓浪嶼, 是一個天堂, 是一個尋寶的勝地, 尋找心靈既寶藏。 尋找幸福的天堂。
I LOVE AMOY, 我愛鼓浪嶼, 不知這樣的鼓浪嶼還可以保持多久, 下次去, 會是怎樣。
雖然下一次的旅程還未出發, 不過, 廈門後遺症已經開始出現。

下一個留言簿上的故意, 會是如何?

-end-

日期:廈門的第3日, 生日的之後。
時間:哭泣時份。
地點:家(我這幾天喜歡叫這裡做家)

第3天的廈門, 開始一間一間的cafe 的去原來島上的cafe都不多, 有的, 都做過資料搜集了。
在娜雅的cafe 做了點訪問, 始終, 還是做了一些工作的東西。
開始在島上找尋其他的cafe, 除了海天堂構, 和沙什麼茶(不記得是什麼名字了)之外, 其他的都去了, 去了BABYCAT 的店, 在BABYCAT
找到了老闆bbc, bbc 真的很好人, 他主動做了我的導遊, 帶我在鼓浪嶼走了一圈, 所有的地方都去了, 連島上的大學, 住民區, 什至靈異真件發生的地點都去了。
沒有他的帶路, 跟本沒有可能找到花時間, 那個神仙一般的老闆, 那間徐志摩般的cafe。
一間一間的cafe去, 找尋妳的感覺, 一間一間的cafe 去將妳的記憶留底在鼓浪嶼。
到了賣奶茶的"張三瘋", 茶具, 荼道為主的"趙小姐的店", 地中海風情的"Babycat", 林一峰到過, 而且為這間cafe作了一首歌的"Babycat 2", 六點就關門, 不接受訪問, 不食人間煙火的仙遊聖地"花時間", 一間由天使開的cafe, 我的家"娜雅", 一家很溫暖的旅店和cafe. . .
很久沒有嚐過那懶懶的味道, 就像花時間老闆作的書, 迷失鼓浪嶼, 他說,"時間是用來浪費的", 那麼的奢侈, 那麼的神仙。

除了一間一間的cafe去, 還繞著鼓浪嶼行了一個圈, 在島上一直的走, 去了好多地方, 原來島, 跟本就不大, 由旅遊區, 到住民區, 到大學, 再由鼓浪嶼到廈門市, 去了廈門市的不同cafe, 這是我一廂情願的, 我以為這樣可以更接近妳, 了解妳更多。
於3,4時回到了房間, 打開門, 看見椅上有個盒子, 上面寫著"祝鋒小朋友生日快樂, 娜雅的黃啊姨", 幹什麼!?
打開, 竟然有個小蛋糕, 心裹很暖, 感覺很有家的感覺, 想不到, 選擇一個人過生日, 在他響竟然收到一份一個陌生人的關懷, 彷彿, 我遇到了天使, 呀!才剛想起, 昨日, 我才跟觀音, 佛祖題起我的生日果然好靈。
將我對妳的思念, 填在留言本上, 一填就天亮了, 把我心目中我跟妳的故事, 留下了在鼓浪嶼, 寫著寫著, 終於, 哭出來了, 好久好久, 沒有哭, 雖不能放聲大哭, 不過, 眼淚, 節水還是湧了出來, 終於, 自那一日之後, 有了一點的發洩, 最後, 還是一個人哭, 沒有妳的擁抱, 沒有妳的膊頭, 沒有任何人的安慰, 百感交雜。
想妳想的很辛苦, 心很痛, 很不捨得妳。

百感交雜。為了逃避, 逃避那個別人認識的自己, 逃避那種一個被迫人過生日的寂寞, 逃避被別人忘記生日, 想不到, 在異地竟然有一份想不到的心意, 是如來佛祖的仁慈, 還是不認識的人才是最真實?
哭, 為了發洩一直以來的不快, 不安, 可惜和無奈, 為發洩對妳的思念, 很想在哭的時候抱著妳說一聲我愛妳, 很想像嬰孩一樣的哭, 也為了阿姨給我的感動。

為了自己想像的浪漫, 一個人來到了你想的地方, 做了你想做的事, 妳說過一句我很深刻的話, "你會記住我講既每一句野, 不過你唔會諗我點解咁講", 女人, 要既係一個會逗佢開心, 話頭醒尾, 觀人於媚, 未出口已經知道她想什麼的男人, 女人要的浪漫是一個男人不要女人說就會做她想的事。
我不是一個浪漫的人, 我只係一個只會體力勞動既男人, 我只會用金錢, 行動, 以方程式的去做她要的事, 妳說一我會做一, 你說減一我就減一, 不過, 原來妳要既唔係一條簡單既小學數學, 而係一條要求x 同 y 呢d未知數既方程式。
要做到x 同 y, 什至更多既代數, 才會令一個女人快樂, 男人永遠唔會明白, 要一個女人開心, 要既唔係一個名份, 唔係一個指定既行動, 而係令佢笑。
佢唔喜歡我, 我唔可以令女人愛上我, 是因為我唔會觀人於媚。
當然, 一切都只係我既想像, 可能, 事實跟本就唔係咁, 呢個就好似宇宙既來源一樣, 係我永遠唔會明白既事。妳最不喜歡人自以為事, 以為自己岩左, 不過, 唔重要了, 因為, 係廈門到明白左一d更緊要既野。

原來, 人間還是有情, 這裡的人都是天使, 很欠, 有多久? 大概由幼稚園畢業後, 就沒有再食過別人為自己而設的生日蛋糕。
我已經夠幸福了。能夠再吃生日蛋糕, 再聽妳跟我講一次生日快樂, 已經很幸福。

終於, 哭出來了, 不過, 還是哭得不夠狠, 心裹依然好唔舒服。

日期:廈門的第2日。
時間:晚上9時55分。
地點:家(我這幾天喜歡叫這裡做家)

今天起來, 望望手錶, 11時許, 起身, 懶洋洋的hea 了好一陣, 出門, 向南普陀寺進發。
南普陀寺,係我眼中同黃大仙無咩分別, 一個佛教, 一個道教, 係寺內漫無目的的走了數圈。
買了香, 打破了慣例, 一直, 不喜歡求人, 不信神, 信的是自己, 只要自己努力就可以做想要的, 我是我自己的神。
不過, 今天我係觀音同佛祖前跪下了。
在心內想, 到底有咩願望?  最後, 只是簡單的跟祂們說"請保護她, 讓她幸福"
最後, 我還補了一句"今日是我的生日", 我諗, 佢地會識做=] 如果有神既, 我會叫佢做我既觀眾, 用對佢泥講只係一剎那既時間, 去睇我用人生做出泥既一場show, 我唔會求佢地幫我, 或者叫佢地保佑我呢場會係一場good show, 我會用我既努力同實力去做一場正show, 係只係希望, 到完show既時候, 會有漫天既掌聲。係南普陀寺食了一餐素食. 感覺唔錯, 生日食素, 有益身心, 係素食堂的人都好nice, 其實, 係廈門既人都好peaceful, 而且, 佢地都好nice, 佢地好肯幫人, 而且好有禮貌, 佢地都好識欣賞別人。
係鼓浪嶺, 成個島都好似世外桃園, 地方很美, 人很美, 人的心都很美,同佢地傾計, 就算佢地聽唔明我, 我又聽唔明佢, 不過大家都可以傾得好開心。
係廈門, 平時係香港, 你唔幫親人地, 走埋去問人野, 人地唔趕你走已經好好, 係呢到, 今日有人叫我租單車, 我反而問佢點座巴士, 佢竟然詳細到好似地圖一樣咁教我, 仲話的士同巴士點樣選擇, 去士多問路, 唔幫佢買野, 不過佢依然教到你頑石點頭再同你笑住講BYE BYE, 係食完素, 個侍應仲帶埋你出廟, 係香港, 呢到簡直係你想像唔到咁PEACE 係中山路, 廈門年青人聚集的地方, 我依然變成怪獸, 男男女女由我的頭望到腳再返掃上頭, 行過會回望至180度。 係街上見到一群"扮跳b", 請留心, 係扮的, 比MK更MK, 我行過之時佢地竟停下來一齊啤到實一實,我來, 晁要做回一個普通人, 請不要把我看成北極熊或是加大碼猴子。
我只會做一個人眼中的猩猩。到了古里山炮台, 坦白講, 呢D野其實, 我唔係咁想去睇。
不過, 我唔想泥到只係白白的晒了一個假期, 不過, 我開始明白一個人旅行既樂趣, 重點不是要在景點拍照, 不是要看很利害的東西, 而是在一個人的旅程中, 享受果種全世界只有自己, 你可以去邊督就去邊, 幾柒就幾柒, ON9左都唔會有人串, 可以慢慢慢慢去做自己想做既野既感覺, 可以真真正正掌握自己生命, 時間, 行程, 比自己0壓力既感覺。
我諗, 妳想泥呢到既目的, 都係為左搵一個無壓力既世界。一個人既旅遊不寂寞, 一個人的生日, 有點寂寞, 可是寂寞又令人清醒, 令人冷靜。係過程中, 做住唔同既野去試圖找尋自己, 去更深既了解自己, 發現更多想不到既野, 與其是說想不到, 不如說是不肯坦蕩蕩的面對。
係冷靜下來之後面對自己, 你會發現D咩??
發現, 原來感覺係唔能夠改變。
發現, 原來墜落唔等如快樂, 係墜落既時候你必需有能力令自己接受墜落。
發現, 一個人既思念, 都可以令人幸福
發現, 一個人都可以好開心
發現, 開心既裹面, 一定會有唔開心
發現, 生日其實都只係好平常既一回事
我已經長的夠大了, 我需要的, 是保持年輕, 已經長大了, 現在, 是長老
對妳來說, 妳需要長大, 好讓靈魂跟肉體成正比思想上, 妳比我還成熟, 肉體上, 我比一個40歲的人還老
愛, 到底係d咩, 妳最終都無話我知, 而我, 都無寫到比妳
我愛妳, 講的不少, 可是, 有一次能真真正正打動妳, 或打動任何一個女人? 回到家, 感覺不錯。
是時候去看書了, cafe 還未關門。