My blog

齊來跳老舞

Wednesday, Mar 5, 2008 1:59AM / Standard Entry

相信大家都識Bob Moog，Synthesizer發明家。知佢係攪個壇同衣櫃比媲咁高電子合成(synthesizer)嘅偉大人物。早係佢之前(1919年)有位仁兄Lev Termen後來改名為Leon Theremin（俄國斯物理學家）攪過一壇儀器Theremin（中文又名：仙籟鳴)本身可以發出無線電波﹐有兩個突出天線﹐一個是長直金屬桿﹐一個是繞了幾乎一圈的水平金屬圈﹐ 垂直的那個控制音頻率高低﹐水平圓圈控制音量大小。（抄嘅）

後來(1954)Moog同佢爸爸致力發展Theremins呢樣野，成就今時今日所有音樂人，最終得益當然係聽同鍾意玩電子嘢嘅朋友。

上面都係前言，得個8字。

一張擺到明用玩電子合成器玩嘅唱片，拾下拾下，買返黎，終於事隔N個月，捨得聽。（一早聽過下，不過mood呢家野，唔到就會變成唔岩聽。）

長大自法國嘅電玩人Frederic aka Dado，經日本Solstice Records發行呢張《Synthetic 100% Pure》，純Psychedelic trance唱片，想知咩係Psychedelic trance？我都準備咗一段非常專業同解釋得好啱嘅資料俾大家。

『Psychedelic Trance 簡稱 Psy Trance。它是一種節奏快而強的電子音樂，特別適合在戶外的時候收聽和跳舞。它的節奏大約是在135-150BPM之間，而且大部分的聲音是由電子合成樂器所組的。要怎麼聽得出來呢? 最明顯的就是它4/4拍的節奏，低沉而且每幾小節就重複的 Bassline，紮實的低音電子鼓聲跟合成樂器所做出來的奇怪聲音和效果。它有明顯的旋律而不斷變化的音效，大多數的時候都不會讓人覺得無聊。

除了旋律跟節奏感之外,聲音的設計是很重要的一環。你會發覺它很少使用真實樂器聲音，而用了大量的電子合成聲音或者是扭曲過的取樣音效來填滿剩下的音頻。

聲音設計為什麼重要呢？因為這決定了這首歌的氣氛跟帶來的感覺，這也是它吸引人的原因之一。因為它給人帶來的想像空間很大，同一段旋律用鋼琴跟用合成器來演奏，帶來給每個人的感覺會不一樣。是什麼感覺？又哪裡不一樣？就需要每個人自己去體會了。

雖然它似乎給人的印象是冷冰冰的電腦音樂，可是別忘了，機器只是工具,編曲和聲音設計的創意還是來自於人的想像力與創造力。

處處充滿著驚奇的編曲手法與獨特的音色再加上讓人置身於其中的音場效果，帶領著聽眾們進入不可預知的旅程，這就是一首好的 Psy Trance 樂曲！』

*資料轉載自大團結

好勒，當大家明白呢件係乜嘢事情，我又開始亂 up，就個人覺得係香港其實都好興Psy Trance，衰在難搵一個場地，聽到一個編曲好聽(即係唔會覺得悶)嘅Dj，當然，假若閣下真係置身當中，最大問題就係場內情緒同氣氛，遇到一場時間、地點、人物都夾岩嘅，您個晚就開心囉；好不幸當呢樣玩意同毒品掛勾嘅時候，最大障礙係掃場check您粒幾鐘ID嘅警務人員。

係日本，呢種音樂風格一直有人支持，從來冇什麼熄微嘅情況出現。

其實放咁大堆頭都係想話俾大家知，我搵到張好嘢，係屋企稍為覺得衡D嘅僅得兩張，都係o架仔貨，除咗四仔人獸食屎AV，呢家嘢我真係幾buy佢地識英雄重英雄！

關於Bob Moog大家可以搵佢張DVD睇返佢老人家一生偉大成就（值得一睇！）。

P.S.我唔係想渲染大家去爛蒲。去party，係可以用健康同正確嘅態度去感受。

Add a comment
蘇州風情畫－貼圖篇(Picture Of Suzhou)

Monday, Mar 3, 2008 7:27PM / Standard Entry

於蘇州山塘街最南區（街頭）位置，晚上的風景更如一個古典美女站在面前。

山塘街，本人居住在這一條街。

山塘街694號門口，這房子是超過55年歷史，裡面曾經有哥哥和媽媽的童年和年青時的回憶。
如今，女大當嫁，男大當婚，只有婆婆和舅舅兩人共住。

婆婆，亦是一位吃過小毛苦頭的婦人，遺禍最深最深是，當年她沒有一口安逸飯吃(當年小朋友如是)，令到她節約的惡習養到今天，至零下四度都肯不用電氈，不用暖風機，僅有兩個電熱水袋過冬，我也無奈和十分頑強地捱了這七天。

終於是菲林相了。↓

長滿凍瘡的小朋友，他在玩搖搖。
大年夜已開始和其他小朋友在放鞭炮。(死野！嚇了我好幾次。)

下面是山塘街風景。

Lomo X 中國風

青年路，可通往火車站的弄堂。

山塘街694號門口

大舅舅弄的菜比媽媽更好吃，豆漿、豆渣餅、雲吞、餃子、炸春卷、紅燒五花肉、清炒蝦仁.....數之不盡，都是最好吃，惠惠最想念你。

694號一直往北走的風景

走到最北面，是名勝區虎丘山，有虎丘公園，而虎丘路盡是小攤檔，吃的，玩的，十分地道和便宜。

更多相片：http://fotop.net/fannycheuk/suzhou　(我會盡情update)

Add a comment
Bjork-The Volta Tour in Hong Kong

Sunday, Mar 2, 2008 9:36AM / Standard Entry

copyright 2008 @ http://tube.hk

Bjork-The Volta Tour in Hong Kong嘅相，已經刊登喺Tube.hk，大家可以Click入去。

好耐冇睇過一場咁尖叫嘅Live，為我哋開年打頭陣嘅Bjork Tour，由開頭好似白蓮教出巡嘅一枝樂手出場，氣勢可謂近年大班band都冇佢咁堅揍嘅陣容，呢一下已經令我覺得無論A zone，B zone都著數晒嘅live！

玩咗大約45分鐘，佢未氣咳，我都已經跳到痴晒線，由Army Of Me開始我已經收唔到制，又見前面兩兄弟都開始除衫放袋，我哋呢群熱血細胞終於由蠢蠢欲動至發狂，踩到臨尾Pluto同Wanderlust，直頭叫到聲沙，跳到唔知自己係到跳咩動作嘅地步，總之就係癲Q咗，當您企係後面，睇晒D lighting折射反射，左閃右避嘅燈光真同埋嗰條仲high過您嘅Dj，您真係冇咩好做，真係攞晒觀眾嘅歡呼同尖叫聲，高興上嚟放盡喉嚨尖叫，放盡肢體狂跳！

最開心係本人最期待嘅Bachelorette同All Is Full Of Love都有玩，後者雖然甩甩地，但我照受，因為個氣氛真係好攞命，腦裡面不禁浮起好多當時聽呢首歌嘅片段，而Bjork真係中氣十足，抵佢由夾band到依家都一直得到所有人喜愛，當然仲有佢獨特嘅意念，無論係正正常常一套感人電影Dancer in the dark到玩到盡服裝、髮形、化妝...都令人口水多過茶，呢劑真係有啲睇完有開心過後嘅失落感。

我好期待下次同亞V，亞C再睇show，加埋我呢個陣容一定係一個「癲」字，無計，始終係候生仔，唔多唔少行為上係痴線D。

Add a comment
Shoegaze與Dream pop之間-Pacific UV

Saturday, Mar 1, 2008 4:37AM / Press Release

新專輯《Longplay2》 2003年發表的同名大碟《Pacific UV》

素來音樂口味改不掉理還亂的我，時至今日，仍然滯留於輕飄飄音樂當中，態度聞名而且死硬派，不論熟悉與否，我都不怕老套說句喜歡dream pop，喜歡Cocteau Twins。只是今時今日，再到唱片店問：「有冇dream pop 嘢介紹？」似乎有點困難，可能是出來效果問題，皆因有部份歌始終太過於shoegaze或差不多傾向於post rock，那跟dream pop的意思有點抽離，所以於我個人立場，找一張純dream pop的唱片是相對地較難，可能本人自定的底線太高。

早於多年前在Alan Chan (Monitor record老板)介紹而認識Pacific UV其2003年同名大碟《Pacific UV》，至今仍然樂此不疲的推介給身邊聽音樂的朋友聽。
得悉其新專輯面世，急不及待仆到旺角帶回家享樂。

新專輯《Longplay 2》除卻Pacific UV自己的dream pop風格外，新碟裡頭的”Orson”和”Something Told Us”亦融入了post rock原素而編曲上反為令人想起早期的Godspeed you black emperor；另有shoegaze樂風的”Need”，一邊聽著，一邊不其然想起My Bloody Valentine的音樂；不其然令人想別的歌隊曲風，還有像Slowdive的”If So”一曲；而”Tremolo”正正是本人所需所取，那全是dream pop結他effect彈法，輕輕的掃一下cord、再掃一下cord，接著如同吐霧的女聲呼出歌詞，尤似一陣煙的，叫人醉完再醉。

在未知道Pacific UV出新唱片之前，最近夜裡常播的是Slowdive於2005年remaster版的三張唱片，每晚輪流點播。

Slowdive《Souvlaki》是本人最喜歡的一張唱片

1 comment– Add a comment
La Femme

Wednesday, Feb 27, 2008 1:03AM / Standard Entry / 每日一幀

呢一種性感又係本人所喜愛的。

Add a comment