梁琤與伍允龍切磋功夫,拳來腳往,打得精彩!

簽了新經理人公司的梁琤，與同是打得之人的伍允龍成為同門師姐弟，早前二人相約武鬥外，伍允龍還親授師姐防狼術及詠春。
梁琤與伍允龍近日成為同門師姐弟，其實伍允龍在美國時已留意師姐的新聞，並大讚她是香港不可多得的武打女星：「我覺得佢好靚好有氣質，估唔到依家做埋同事，真係好有緣分！其實我最想知係點解梁琤咁多年都Keep得咁Fit。」梁琤即笑說：「我每個禮拜都有做瑜伽，仲會練跑Keep身形。」雖然梁琤已甚少在銀幕前展露功夫，難得她沒有生疏，連曾為電影任武指的伍允龍亦大讚她：「耍功夫同拍戲唔同，拍戲同動作最緊要靚同就鏡頭，佢好有呢方面Sense。」

再闖娛圈恨做弱女

對於伍允龍的讚賞，梁琤笑言令她想起當年拍戲的點滴：「有次拍戲對方唔識就力，誤用真力打我一下，當時我抖唔到氣，要用50秒鎮定自己。」談到再進軍娛樂圈，她說：「我唔介意再打，但想試唔同角色，例如奸角同柔弱角色！」

[ 本帖最後由 Michellechen 於 2008-5-30 12:22 PM 編輯 ]