记得好多人都讲，万事起头难，之前问你地伶无用既音乐，结果我细佬就自己用电脑software整左D音乐俾我写词，但系我就点捻都捻唔到要点样开始落词，真系弊家伙！其实你叫我Rap人地既歌，只要自己亲手抄晒D词出来，我好容易就入脑，跟住好快就可以Rap熟。但系依家想自己尝试写词，就乜野都写唔出，毫无头绪！可以俾D以往你地既经验我，等我知道我要点样开始落笔吗？

[ Last edited by  KidD-A at 2008-6-23 03:56 PM ]

OK try to rap what u wrote to me! And try to rap newspaper! It's helps a lot! Thanks for supporting man! Keeping it real!

多謝你既意見，等我試下先，到我有左頭緒寫出來再放上來俾你過目！放心，凡係廣東rap既組合我都好樂意聼同埋支持，只不過依家真係好多唔聼的既歌，聽到都反感！

曾经   我真係以为你係我   生命中嘅最后
曾经   我坚持要爱你   一生一世直到最后
曾经   我嘅生命乜都无   只要有你就足够
曾经   有你响身边嘅现实   我无捻过要逃走

都唔知点解   自己係咪真係咁失败
我哋咁辛苦係埋一齐   结果都係俾你淘汰
係我做得唔够多   抑或係你身边多咗个
到咗依家呢个时刻   我会话我捻得太多

呢段感情   我坦白讲   经历真係唔少
伤心痛苦固然係有   但係一捻到甜蜜嘅我就会笑
既然咁辛苦都行得埋   我真係唔想咁就清袋收Q
写得呢首歌俾你   就係想话I Still Love You

虽然我係大男人   但係就净係爱你一个人
可能我真係唔识表达   我所对你嘅关心
虽然搞到依家咁   但係我仲希望可以翻生
我会俾时间你捻   一直到我哋相识之日   就唔会再等

我对你做嘅一切   同埋你付出嘅一切
咁多年来   你真係咁轻易放得低
或者係我蠢   对呢一切耿耿于怀
或者係我傻   以为你仲会返来   几无谓

我近排自己嘅心情写照，希望你哋可以俾意见！
仲有响马来西亚ManhandForum呢排兴起一阵freestyle风，如果有时间可以去http://manhand.net/forum/viewtopic.php?f=11&t=24&st=0&sk=t&sd=a&start=10
睇睇，除咗一个MC Bear我唔识之外，里边嘅BB係我亲细佬，当然我係用真名，有时间上去参观下啦！

我 曾經有一個夢想 就係將自己嘅心聲大聲咁唱
唱到世界各地 每個有華人嘅大街小巷
等佢哋可以聽到 可以知道我哋嘅思想
可惜呢一個始終 都係一個夢想 同現實嘅世界 點樣都有唔同嘅方向
所以一直以嚟 我只有默默地唱 平時如常咁工作 都唔敢話要做我理想

我叫KIDD 對音樂淨係識啲啲 雖然Rap唔係好掂 但係我會一直嘗試
今日我Rap嘅呢段詞 冇乜特別嘅意思 純粹係個人意見 同埋啲不滿嘅宣洩
如果你唔覺得我自私 咁不妨跟實我嘅Beat 跟住呢一個Beat 將你嘅不滿嗌出來發洩
等 我哋一齊來呼籲 用最和平嘅聲線 俾所有人知道 呢個社會係咪時候改變

用你嘅聲音 跟我齊唱
用你嘅思想 找出動向
讓你嘅心中 不再迷惘
行出新方向

用你嘅聲音 跟我齊唱
用你嘅思想 找出動向
讓你嘅心中 不再迷惘
咪再綑綁你嘅思想

其實到咗依家 我真係唔知 呢個世界到底 係去緊乜嘢趨勢
樣樣嘢越嚟越貴 但係啲銀碼就越嚟越細 真係令到我哋 越嚟越難適應落嚟
如果係有家底嘅人 梗係話冇乜所謂 但係我哋呢種階層嘅 就覺得好濕濟
日日做嘢命都博晒 但係次次都窮過鬼 已經開始諗到無計 係咪時候改變下呢一切

大家有眼所見 呢個世界環境嘅轉變 大地怒吼嘅聲線 你哋到底有冇聽見
首先發生响緬甸 跟住中國汶川事件 之後大水浸 世界各地不斷咁上演
救災行動快又點 籌款幾多咁又點 係咪可以令到所有事件 唔會再繼續出現
目前大家要做嘅 係咪要留意大地嘅聲線 環保唔駛用到好多錢 淨係睇你哋肯唔肯改變

大眾嘅聲音 邊個聆聽
大眾嘅思想 邊個去明
大眾嘅心中 好多共鳴
你哋有冇去傾聽

大地嘅聲音 開始大聲
你哋嘅思想 有冇決定
咁大家心中 有定數未
係咪時候改變嘖

你有灵感  作野自然会有开头