呢排好多人唱雞，全部都係雞，我決定用自己方法去演繹，送俾各位女神

你女神係雞，你知唔知？－ 真正嘅 雞，全部都係雞－Arho Sunny

差唔多兩年冇打過LOL（英雄聯盟）喇，尋日無聊得濟冇野做，打開隻Game，差D連密碼都唔記得，點知Update都要得成個鐘，我要做ADC打爆下路呀，快手少少得唔得呀！

好啦，等完Update，諗住邀請個Friend list D朋友一齊玩啦，打開個List先發現，以前晚晚打到覺都唔願瞓嘅嗰班朋友，一個都冇Online。

兩年後打開LOL，先發現個介面，玩法全部都變哂，變到好陌生，好唔慣，總係覺得以前嘅LOL好D，但其實，跟本已經返唔番以前，就好似自己嘅人生咁，改變咗，就算點努力，點都冇得返轉頭。個Friend List都一樣，唔會再有舊人Online。

因為好多原因，身邊嘅朋友已經離自己愈來愈遠，有D冇搵冇搵就淡出左自己個生活圈子，有D朋友本身係同事，冇打嗰份工之後，就冇再聯絡，有D因為小事嘈交，毛啦啦變到勢不兩立，望住個List，Online嘅得番自己一個，再望吓自己個電話，連一個可以傾吓計嘅朋友都冇，明明以前晚晚都會約埋一齊打機，開住個Skype吹水，可能中途會你話我廢，我話你累事，但真係好熱鬧，而家，自己一個係下路，同一個三唔識七嘅Support一齊，心裡面就會諗：「以前我某位朋友做Support做得好好，佢一定唔會係咁。」其實，我知道我朋友都唔係咩好嘅Support，我咁諗，...Read more

大家睇咗《自殺特工》未？唔駛問小丑女一定係入面其中一個最吸引人嘅角色，但大又知唔知佢背後嘅故事？（無劇透）

小丑女，原本係一個心理醫生，因為佢老豆係一個衰人，攪到自己屋企家不成家，所以佢想了解呢D壞人心裡面到底諗咩，就走左去做心理醫生，去研究罪犯嘅心理，為左挑戰自己，佢決定去研究葛咸城入面，一個最出名嘅痴線佬。

嗰個就係小丑。

係研究嘅過程裡面，小丑開始同佢傾訴心中嘅一切，甚至講埋自己細個嘅時候，點樣俾老豆家暴，同樣出身係破碎家庭嘅小丑女，可能感同身受，可能俾小丑迷惑到，竟然開始同情佢，心裡面諗：「我好似有少少鍾意咗佢呀。」

愛一個人，越愛就越難忘記佢，佢開始徹底咁迷上左小丑，愛上左一個「佢認為」只係用「痴線」同「做盡壞事」去掩飾自己傷痛嘅可憐人。於是佢幫小丑逃出精神病院，自己都放棄左做心理醫生，為左同小丑更加親近，佢改變自己，變成小丑女。

你以為佢地咁就開開心心作惡，做一對亡命鴛鴦？錯喇，小丑其實冇鐘意過佢，每日對佢打打鬧鬧都算小事，小丑仲試過推佢落街，攪到佢傷哂，最過份係，佢有次真係想「飛左佢」，點飛？就係困小丑女喺火箭，想當佢超夢夢咁射上太空呀！

但肉體嘅痛都不及心靈上嘅痛，後來小丑女發現，原來小丑口中所講嘅童年，只係虛構出嚟搏佢...Read more

呢幾日上開高登都知，有D幾千人Follow嗰D所謂「Ig女神」開價幾千蚊做援交，之後愈爆愈多所謂女神原來都有出賣肉體搵錢，表面風光，原來駛緊血汗錢，有哂證據又話俾人Hack左，唔講以為係咩國家級機密，去到要Hack你咁把砲，是但啦，除非你係想幫襯，D女神收幾錢，個價幾唔合理其實唔關我地事，我比較關心，點解作為女神會肯走落煙火之地去益班麻甩佬呢？

而家香港，有少少姿色嘅女去到網絡世界，已經萬九幾隻厹圍住佢地轉，得閒睇下D所謂Ig女神Post，個個都話自己做Model，以前就話興?模，而家都唔興啦！咁點解個個都話自己做Model？唔話自己係思想家？無他，當你冇份正職，正常應該冇收入，但又得閒日日Post自己去呢度個度，一日到黑擺Pose 影相，要將呢件事合理化，唯一方法就係話自己係Model，當然，講就講自己係Model，實質係做....算啦。不過唔該你地啦，唔好影衰Model呢行啦，好冇？

另外有一班女神，似住網絡世界發展一日千里，有幾十隻厹圍就當正自己網絡紅人，大佬唔好咁啦，呢D冇得死充咖，你開人幾千蚊上床，唔係當自己出Show嘛？

大部份人都享受俾人注視、俾人重視、甚至乎崇拜自己，但都要睇下自己咩料，為左俾人睇自己過得幾好，生活幾多姿多彩，將自己定位定到女神咁嘅級數，以為自己係鳳凰...Read more

知唔知點解喵喵怪會講人話？

係寵物小精靈第71話喵喵怪因為鐘意左一另一隻俾人馴養左嘅喵女，而個隻喵女拒絕喵喵怪嘅原因係因為佢唔係人類，養佢唔起，俾唔到好嘅生活同靚衫佢著，就係因為咁喵喵努力學做人，學用雙腳行，學講嘢，有日，佢終於學識行路，但用雙腳跑令佢跑得比人慢，所以次次偷完野都俾人捉到，打到佢一仆一碌，但佢冇放棄，繼續努力學做人，學講人話，終於有日佢識講野，第一個學識嘅詞語係「火箭」。

成功用雙腳行路同講野之後，佢再次去搵喵女表白，「你睇！為左你，我而家成個人咁喇，用腳行又識講野！」點知，最後換嚟一句「喵喵喵」姐係：「死開啦，你又冇錢，你死窮喵嚟咋！仲有呀！一隻識講人話嘅喵真係好核突呀！」

因為咁，喵喵怪決定要做一個壞人，第日就算夾硬嚟，佢都要隻喵女做佢條女。之後佢就加入左火箭兵團。

後來，因為破產，喵女個主人唔再養佢，遺棄左佢係街邊，俾一隻高竇貓大佬捉左，仲用佢威脅喵喵怪加入自己嘅流浪喵社團，喵喵怪為左救喵女同高竇貓決鬥，戰勝後，佢以為可以得到喵女歡心，點知喵女話：「喵喵喵，喵喵喵！」姐係：「我同高竇貓生活太耐喇！已經冇辦法離開佢，同埋.....講人話嘅喵實在係太核突喇！」

呢個世界，好多時都係咁，你做好多嘢，你好努力你以為會有人欣賞，因為你嘅努力...Read more

成班人盲反pkm 高，你話隻game唔好玩，無聊低B冇問題，但唔好將老任改寶可夢呢個名攞埋一齊黎講，先唔講隻Game 老任只佔小量股份，你地又知唔知，之前佢靠呢隻Game個朵賺嘅股票，因為佢講左自己佔少量收益，所以狂瀉，仲跌到差D停牌？

你班香港人唔係好鐘意睇人仆街咖咩？又冇人提下喎，一味咬住任記逼你叫皮卡丘所以唔應該玩呢個論點真係多餘，你覺得老任唔重視香港市場，咁咪唔好玩太陽月亮。（但罷玩未必係最好方法，容後有機會再講）

但反觀pkm go ，我覺得niantic 都算係咁，至少而家俾你香港遲日本少少有得玩，你睇下中國，台灣什至澳門？佢地個個都得個恨字，點解？因為隻Game唔係老任話事，係niantic話事囉！

如果隻Game係老任話事，我諗台灣一早出左，中國版要行百度地圖去玩，香港版就遲過台灣版上但玩番台灣版。

你話「雖然老任佔少量但都有錢袋下丫！有錢袋就要死啦！」所以話香港人就係賤，大佬呀，人地話哂諗過Game入面個151隻精靈丫，你俾人賺少少得唔得呀，冇呢151隻精靈我諗你連打篇文駁存在感嘅機會都冇呀，駁存在感你估唔駛負出？

其實評論一隻Game好唔好玩，垃唔垃圾真係冇問題，但唔好用D垃圾理由，了解下遊戲背景先再講，仲有用捍衛本土文化去反Pkm...Read more

相信pkm高會係香港好快唔興，因為港豬就係呢種死跟風嘅動物，個個都想自己貼近鬼佬日本仔生活態度，但當真係俾你達到個陣你會去做咩？番工啦！跑數啦！仲捉，做精靈訓練員交唔交到租呀？

曾經呢個地方代表夢幻，而家連公廁都不如

⚡️⚡️⚡️⚡️