Wish List 呢樣野並唔係細路仔先有。

麻甩佬到有好多好多Wish!!

以下兩件物件就係我近期好想買但又買唔到既東西。

唉﹐有錢都買唔到﹐幾愁。。。。

如果有人可以幫我做“海外採購部”你話幾好。

啊葛﹗﹗

都唔知幾時中左你毒。

記得係中環買左你第一條"4A" RMC 之後就越黎越鐘意

但係就偏偏只可以每年返黎一次先可以買到你既野。

每日最多只可以睇下forum D 相吊下癮。

耐唔耐收到下email﹐ 有得睇就冇得買。。。。。。慘

又唔知幾時開始鐘意紫色既衫同鞋。

自從買左對"Undefeated MT580"之後就愛上撞色同sharp color.

上面對 "New Balance H574"係我“一見鐘情”既 東西。

可惜﹐要買到佢又唔係咁易。唉~

望穿秋水﹐卒之買到我本“香港電影”集誌
無奈地﹐我等唔到本六月﹐就出左七月。
身處海外既我要買到香港集誌唔難。但係要買到本
“香港電影”就非常難﹗﹗皆因佢本身係香港都經常脫期。
再加上要答車搭船先黎到加拿大﹐有時冇人訂仲要唔寄過黎。

千身萬苦買到﹐急不及代打開黎睇﹐見到關于“風雲二”既報導。
見到其中一個演員”何家勁“﹗﹗﹗
曾幾何時睇過下風雲漫畫﹐非常喜歡裡面既”無名”。
無名其實就係華英雄﹐華英雄根本就係照主何家勁個樣黎畫既。
今次搵啊何生黎做無名﹐簡直係天依無縫﹗﹗
好興奮﹐好想睇﹗﹗﹗﹗

BATMAN最吸引我既係裡面既奸角

剛剛睇蘋果見到 小 丑出公仔

一定要買番隻守下門口!!!

究竟鼻涕點形成既呢﹖

近呢一個月﹐我足足用左兩盒紙黎刉我既鼻涕。

連我老細買番黎盒紙都比我用晒﹐公司上下都冇紙用。

搞到我老細中午都未到就發脾氣走左去﹐唔返黎。

事問邊有人夏天到先大傷風﹖

鼻涕刉極都有。我平時都冇乜點飲水﹐邊薯黎咁多鼻水呢﹖

 

此乃本人第一個為分享而分享既BloG

曾幾何時在Xanga裡頭開了account﹐
只為了用文字發泄心中既哀傷
等人家路過見到﹐會安慰幾句博同情。

心中既哀傷並不是因為死了條狗或斷了對手。
而是不論俊男美女﹐大人細路都曾經或將會經歷既東西----失戀。

失戀好奇妙。
失戀既意思大概指“失去一段戀情”咁解。
但當你失戀既時候﹐你會覺得你失去了全世界﹗
對食物﹐你失去食欲。
對工作﹐你失去心機。
對玩樂﹐你失去興趣。
對前途﹐你失去方向。

其實三失青年裡面﹐如果其中一失係失戀﹐你就不只三失。
起碼四五六七失啦﹗

這一陣子我沒有失戀。
只是借題發揮開始我在這裡第一個BloG.
希望有人會路過留一留言﹐那就功德無量了。

但我懷疑有冇人會讀我個BloG?
我又唔係咩名人﹐更加唔係靚女﹐圖片都唔多張﹐邊個會睇﹖

其實我都想貼幾幅圖。
奈何我失戀既慘樣沒有用相機攝低﹐不能與人分享

但我保證﹐如果有一人留言
擔保這裡內容日後會包羅萬有﹐圖文並某﹗﹗﹗

多謝