Announcement
- 。。 人生應是苦澀還是甜美 。。
。要學會珍惜自己才能領悟真諦。
My blog More entries >
-
又一年喇！！
Friday, Feb 10, 2012 2:44AM / Members only
咁又一年喇， 時間過得真係好快！有開心有唔開心， 但人越大好似越來越冇人生目標！點解會咁呢？可能人大咗個人現實咗，以前乜都冇所謂想點就點，但而家唔同咗，我個人唔鐘意乜都講錢，但今時今日已經唔再係咁喇，因為今年開始要供樓，負擔大咗好多，毎個月洗多咗一大筆錢！本來想比少啲阿媽減輕少少，但最後都係過唔到自已！一齊照舊！唉！！ 壓力大咗好多！辛苦咗！又到情人節喇，係道祝大家情人節開開心心！有情人嘅快啲派鉆！冇情人嘅快啲揾返個好人家！哈哈！！ 但我依舊鐘意一個人多啲！！ENJOY MY SINGLE LIFE！！！！
14 views Share 
-
Happy New Year!!!!
Thursday, Jan 5, 2012 8:50PM / Members only
13 views Share
-
可惜不是你 梁靜茹
Thursday, Jan 5, 2012 8:39PM / Members only
15 views Share
-
I'm Yours
Saturday, Nov 26, 2011 1:31PM / Members only
16 views Share
-
感動了～
Saturday, Nov 26, 2011 1:27PM / Members only
姐姐結婚了， 好感動呀！
好開心姐姐終於都完成咗佢嘅婚禮，雖然攪咗兩日真係好攰，但係我真係好 ENJOY 呢兩日嘅毎一分毎一秒，由21／11朝早開始一直緊張到24／11，哈哈，毎一刻都好緊張，好開心，好興奮！21／11今日5：30已經要起身喇，瞓咗個半鐘咋，好攰好眼瞓， 不過今日一定會過得好開心，因為節目非常豐富，當中包括接新娘時玩新郎﹠兄弟， 真係好好笑好玩得！直至到姐夫接家姐出門時，真係感動到有一刻好想攬住佢地大喊一場，但係我當然控制住自已啦，哈哈！我地3：30到達酒樓開始準備晚宴，今日全場都只係兩家父母嘅親友，到咗夜晚當家姐，姐夫係台上面講感受時，果一刻真係全場失控咁好多人都喊咗出嚟，最主要嘅當然係 MUMMY DADDY 家姐 姐夫 親家 都喊晒， 好彩好都仲頂得住冇喊，以免個妝溶晒嚇親人啦，加上我要照顧住佢地毎一個人大少事務， 好忙碌架！當晚婚宴非常成功呀！
恭喜晒MEI MEI ﹠ LEO！！24／11今日舒服好多喇，我地3：00先到達馬會婚宴場地，一到齊人我地毎個人都好快咁準備自己嘅嘢，到咗6：00我地已經全陪準備好晒，今日個場地好靚，好明顯見到家姐真係比咗好多心機落去攪呢個婚宴！8：00所有MEI MEI ﹠ LEO 嘅朋友同事都已經到齊喇，我地今日影咗好多相呀！ 好開心，見到好多家姐嘅同學好似見到好耐冇見嘅兄弟姊妹咁，感覺好特別， 由細識到大， 而家佢地已經好多結晒婚有埋小朋友添喇！今日係家姐姐夫真真正正結婚嘅大喜日子， 因為今日先係佢地簽結婚証書嘅日子，當簽完証書又到咗佢地講感受嘅時候喇， 估唔到今次佢地兩位新人喊得比上一次仲勁，哈哈！ 呢個婚宴我地毎個兄弟姊妹都食得好飽， 一啲都唔辛苦！！
過咗一陣又係新娘子換衫嘅時候喇，今次換衫係最緊張嘅換衫時候，因為下一個環節係 LEO 特別為 MEI MEI 準備架， 係一個驚喜環節嚟架，當家姐睇住呢段 VIDEO 嘅時候佢個樣真係好感動！我做妹嘅當然都為咗佢地而開心感動啦！今晚一齊都好順利， 亦都係好開心好浪漫下結束咗喇！！真係要衷心多謝各位參加緍禮嘅所有親戚朋友同事們！仲有非常幫到手嘅一班兄弟姊妹！
17 views Share
